Hiob 8:20 - BAIBLO ALOO NGMAMI KLƆUKLƆU Ɔ

²⁰ Nɔ nɛ peeɔ nɔ́ nɛ da a, Mawu be lɛ kuae. Mawu be nimli yayamihi a he piɛe kɔkɔɔkɔ.

Hiob 8:20 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Hiob 21:30

Anɛ nyɛ li kaa ke amanehlu ba a, yiwutsotsɛmɛ lɛɛ a jeɔ mɛ kɛ jeɔ mi, nɛ a yeɔ a he lo?

Hiob 4:7

Susu o yi mi! Anɛ o le nɔ ko nɛ pee we yayami nɛ e hɛ mi kpata lo? Anɛ o le dalɔ ko nɛ a gbe lɛ yaka gu lo?

Hiob 9:22

O yeɔ fɔ jio, o yeɔ nguɔ jio, lɛ tsuo nɔ́ kake too. Mawu ma kpata wɔ tsuo wa hɛ mi.

La 34:17

Ke dali fa kue ha Yawɛ ɔ, e nuɔ, nɛ e jeɔ mɛ kɛ jeɔ a haomihi tsuo a mi.

La 37:24

Ke o nɔ si tete po, o be zugba tlɔe; ejakaa Yawɛ ma wo o nɔ ekohu.

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

La 94:14

Yawɛ be e ma a he ngmɛɛe kɔkɔɔkɔ; nihi nɛ e je blɔ hla mɛ ɔ, e be mɛ kuae.

Abɛ Womi 10:9

Nɔ nɛ yeɔ anɔkuale ɔ, e he mi jɔɔ lɛ. Nɔ nɛ yi anɔkuale lɛɛ nine maa gbe lɛ.

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ: