Hiob 8:19 - BAIBLO ALOO NGMAMI KLƆUKLƆU Ɔ

¹⁹ Niinɛ, bua jɔmi tsuo nɛ nimli yayamihi naa ji nɛ ɔ nɛ; kɛkɛ ɔ, ni kpahi baa ba ngɔɔ a blɔ he ɔmɛ.

Hiob 8:19 ပူးပေါင်းရင်းမြစ်များ

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Hiob 8:20

Nɔ nɛ peeɔ nɔ́ nɛ da a, Mawu be lɛ kuae. Mawu be nimli yayamihi a he piɛe kɔkɔɔkɔ.

La 113:7

E woɔ humi bi nɔ kɛ jeɔ zu mi; e woɔ ohiatsɛ nɔ kɛ jeɔ kuku nɔ,

La 75:7

Mawu ji kojolɔ; e woɔ ni komɛ a nɔ, nɛ e baa ni komɛ si.

Ezekiel 17:24

Zugba a nɔ tso ɔmɛ tsuo maa le kaa imi Yawɛ lɛ i haa tso gagaa peeɔ kpiti, nɛ tso kpiti kaa gagaa. Imi lɛ i haa tso mumu gbliɔ, nɛ tso gbigbli peeɔ tso mumu ekohu. Imi, Yawɛ lɛ i de, nɛ ma pee.”

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.