Hiob 7:9 - BAIBLO ALOO NGMAMI KLƆUKLƆU Ɔ

⁹ Ke nɔ ko gbo nɛ e ho gbeje ya a, e kpale we kɛ bɛ hu kaa bɔ nɛ bɔku laa nɛ a nɛ lɛ hu ɔ.

Hiob 7:9 ပူးပေါင်းရင်းမြစ်များ

Samuel II, 12:23

Se piɔ nɛ e gbo ɔ, mɛni he je e sa kaa ma ha hwɔ ekohu? Anɛ ma nyɛ ma kpale lɛ kɛ ba wami mi ekohu lo? Imi mohu nɛ ma bu e nɔ ligbi ko; se lɛɛ e be kpalee kɛ ba ye ngɔ hu gblegbleegble.”

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

Hiob 10:21

Ma hia blɔ be kpiti mi kɛ ya he ko nɛ i be kpalee kɛ ba hu. I yaa ma ko nɔ; lejɛ ɔ wo diblii kpii, nɛ e ngɛ gbeyegbeye.

Hiob 11:8

Mawu ngɛ hiɔwe se lokoo, se moo lɛɛ hiɔwe ɔ po o juɛmi sui he. Mawu le gbogboehi a je, se moo lɛɛ o li lejɛ ɔ.

Hiob 16:22

Jehahi bɔɔ komɛ a se ɔ, ma hia blɔ kɛ ya he ko nɛ i be kpalee kɛ ba hu.

Hiob 17:13

Ye hɛ nɔ kami kɛkɛ ji gbeje; lejɛ ɔ ji he nɛ ma hwɔ ngɛ diblii mi.

Hiob 17:16

Anɛ hɛ nɔ kami kɛ mi maa ya gbeje lo? Anɛ e kɛ mi maa ya zu mi lo?

Hiob 3:13

I gbo kpoo jamɛ a be ɔ mi, jinɛ amlɔ nɛ ɔ, ye he mi jɔ mi.

Hiob 30:15

Sawale nu mi; ye hɛ mi nyami laa mi kaa kɔɔhiɔ muɔɔ ní kɛ yaa. Ye ní nami ɔ se po kaa bɔku.

Hiob 37:11

Mawu haa bɔku ɔmɛ hyi ɔ kɛ nyu. Oslabai hii la pae ngɛ bɔku ɔmɛ a mi,

La 39:13

Ngmɛɛ ye he nɛ ma na bua jɔmi, loko ma je hiɛmɛ nɛ ɔ nɛ i pa be wami nɛ ɔ mi hie hu ɔ.

Yesaya 26:14

O ha a gbo pɛsɛɛ, a be je mi hu; a kpadehi tete be si tee, ejakaa o gbla a tue; o kpata a hɛ mi pɛsɛɛ, nɔ ko nɔ ko kaii we mɛ hu.

Yesaya 38:11

I susu kaa i be Yawɛ nae gblegbleegble ngɛ hɛ kali a zugba nɛ ɔ nɔ. I susu hu kaa i be ye nyɛmimɛ adesahi nae ngɛ je nɛ ɔ mi hu.