Hiob 7:8 - BAIBLO ALOO NGMAMI KLƆUKLƆU Ɔ

⁸ Nɛ́ nyɛ ngɛ mi hyɛe nɛ ɔ, nyɛ be mi nae hu. Nyɛ maa hi mi hyɛe kikɛ nɛ ɔ kɛkɛ i si nyɛ.

Hiob 7:8 ပူးပေါင်းရင်းမြစ်များ

Hiob 20:9

Nɔ ko nɔ ko be lɛ nae hu; e sihi he ɔ maa fɔ si gu.

La 37:36

Be ko se ɔ, i ya gu he nɛ e hii ɔ, se e be lejɛ ɔ. I hla lɛ, se i nɛ lɛ.

La 39:11

Ke o ka adesa hɛ mi, nɛ o gbla e tue ngɛ e he yayamihi a he pɛ o kpata e nɔ́ tsuaa nɔ́ hɛ mi pɛsɛpɛsɛ kaa bo nɛ wɔyewɔye ye. Niinɛ, nɔmlɔ adesa ngɛ kaa kɔɔhiɔ kɛkɛ.

Hiob 14:3

Anɛ o kɛ imi, nɔ kaa kikɛ nɛ ɔ maa ye sane lo?

Hiob 13:27

O ngɔ ye nanehi kɛ wo pã mi. Nɔ́ tsuaa nɔ́ nɛ i ngɛ pee ɔ, o ngɛ hyɛe; ye nane nya po o hyɛɛ fitsofitso.

Hiob 8:18

Se ke a hɛ mi kpata kikɛ nɛ ɔ, nɔ ko nɔ ko be lee kaa a hi lejɛ ɔ hyɛ po.

Samuel II, 12:23

Se piɔ nɛ e gbo ɔ, mɛni he je e sa kaa ma ha hwɔ ekohu? Anɛ ma nyɛ ma kpale lɛ kɛ ba wami mi ekohu lo? Imi mohu nɛ ma bu e nɔ ligbi ko; se lɛɛ e be kpalee kɛ ba ye ngɔ hu gblegbleegble.”

Hiob 3:13

I gbo kpoo jamɛ a be ɔ mi, jinɛ amlɔ nɛ ɔ, ye he mi jɔ mi.

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

Hiob 27:19

E ma ya hwɔ si kaa niatsɛ; se ke e te si ɔ, e maa na kaa e sika a tsuo ta.

Hiob 14:10

Se nɔmlɔ lɛɛ ke e gbo ɔ, e nyagbe ji lɔ ɔ nɛ. Ke nɔmlɔ adesa gbo ɔ, jije o maa na lɛ ngɛ ekohu?

Hiob 20:8

E maa laa kaa nlami, aloo nina nɛ a na nyɔ mi; nɛ nɔ ko be lɛ nae hu.

La 103:16

Ke kɔɔhiɔ fia kɛ be ngɛ lejɛ ɔ, kɛkɛ e hɛ mi kpata nɛ nɔ ko pa li lɛ hu.