Hiob 7:6 - BAIBLO ALOO NGMAMI KLƆUKLƆU Ɔ

⁶ Ye ligbi ɔmɛ ngɛ bee mlamlaamla; a he ngɛ sɔe kulaa pe bo lolɔ kplɛ. Ligbi ɔmɛ ngɛ tae, se i be hɛ nɔ kami ko.

Hiob 7:6 ပူးပေါင်းရင်းမြစ်များ

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

Hiob 14:19

kaa bɔ nɛ nyu haa tɛ yeɔ, nɛ pa nɛ hia muɔɔ tabo zu kɛ yaa a, jã nɛ o haa nɛ nɔmlɔ adesa hɛ nɔ kami peeɔ yaka.

Hiob 16:22

Jehahi bɔɔ komɛ a se ɔ, ma hia blɔ kɛ ya he ko nɛ i be kpalee kɛ ba hu.

Hiob 17:1

Ye wami be ɔ ta; i nyɛ we nɛ i ngɛ mumi woe. Amlɔ nɛ ɔ lɛɛ nɔ́ nɛ ngɛ mi mlɛe ji yɔkɔ.

Hiob 17:11

Ye ligbi ɔmɛ ta; ye yi mi tomi ɔmɛ puɛ; ye hɛ kɛ nɔ fɔmi ɔ ta.

Hiob 17:15

Jije hɛ nɔ kami pa ngɛ ha mi? Mɛnɔ lɛ maa na jamɛ a hɛ nɔ kami ɔ?

Hiob 17:16

Anɛ hɛ nɔ kami kɛ mi maa ya gbeje lo? Anɛ e kɛ mi maa ya zu mi lo?

Hiob 19:10

E kpata ye hɛ mi, nɛ e kɛ mi gbe nya pɛsɛpɛsɛ. I pee kaa tso nɛ a hia lɛ kɛ e sipoku tsuo; ye hɛ kɛ nɔ fɔmi ta.

Hiob 6:11

Mɛni he wami i ngɛ nɛ ma kɛ hi je mi kɛ mwɔɔ? Mɛni he je ma hi je mi kɛ mwɔɔ, be mi nɛ i be hɛ nɔ kami ko?

Hiob 9:25

Ye ligbi ɔmɛ ngɛ bee mlamlaamla; a he ngɛ sɔe kulaa pe nɔ ko nɛ ngɛ fo tue. Se nɔ́ kpakpa ko be a mi.

La 102:11

Ye wami ligbi ɔmɛ ngɛ kaa hɔhɔmi nɛ bee kɛ yaa. I pee kaa nga gbigbli.

La 144:4

Nɔmlɔ adesa ngɛ kaa mumu nɛ a woɔ ɔ; e ligbi ɔmɛ ngɛ kaa hɔ̃ nɛ bee kɛ yaa.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Yeremia 2:25

I de mo ke, Israel, kpa mawu kpahi a se nyɛɛmi, bɔ nɛ pee nɛ o nane nɛ ko ba gbo, nɛ kuma ba gbe mo. Se o de ke, ‘Dɛbi! I be ye se kpalee; i suɔ ma se mawuhi, nɛ ma se mawuhi a se lɛ ma nyɛɛ.’ ”

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

Yakobo 1:11

Ke pu je, nɛ je mi dɔ la a, mɔmɔ nglaa, nɛ e wɔleɔ pueɔ si, nɛ afɛu ko be e he hu. Ja nɔuu niatsɛ ɔ hu benɛ e hɛ dɔ kɛ ngɛ ní tsue ɔ, e hɛ mi ma kpata tlukaa.

Yakobo 4:14

Nyɛ ti ni nɛmɛ nɛ deɔ ja a, nyɛɛ bu tue. Anɛ nyɛ le hwɔɔ se je nami mi sane? Nyɛ ngɛ kaa afua nɛ woɔ be kpiti, kɛkɛ a nɛ́ lɛ hu.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,