Hiob 7:21 - BAIBLO ALOO NGMAMI KLƆUKLƆU Ɔ

²¹ Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

Hiob 7:21 ပူးပေါင်းရင်းမြစ်များ

Samuel II, 24:10

Benɛ David kane ni ɔmɛ se ɔ, e he nile hao lɛ; nɛ e de Yawɛ ke, “I pee yayami agbo kaa i tsu kikɛmɛ a ní nɛ ɔ. Lɔ ɔ he ɔ, Yawɛ, i kpa mo pɛɛ nɛ o ngɔ kɛ pa mi.”

Hiob 10:14

Ke i pee yayami ko ɔ, kɛkɛ o ngma kɛ to, nɛ o kɛ be mi pae kɔkɔɔkɔ.

Hiob 10:9

Kai kaa tabo zu lɛ o kɛ bɔ mi. Anɛ o ma ha nɛ ma plɛ pee zu ekohu lo?

Hiob 13:19

Mɛnɔ lɛ ma ye nya pomi ɔ? Mo Mawu lo? Ke ja a, lɛɛ ma pee dii nɛ ma gbo mohu.

Hiob 14:10

Se nɔmlɔ lɛɛ ke e gbo ɔ, e nyagbe ji lɔ ɔ nɛ. Ke nɔmlɔ adesa gbo ɔ, jije o maa na lɛ ngɛ ekohu?

Hiob 17:14

Ma tsɛ yɔkɔ ɔ ke tsaatsɛ; gɔgɔhi nɛ maa ye mi ɔ, ma tsɛ mɛ maa, kɛ ye nyɛmiyihi.

Hiob 20:8

E maa laa kaa nlami, aloo nina nɛ a na nyɔ mi; nɛ nɔ ko be lɛ nae hu.

Hiob 27:19

E ma ya hwɔ si kaa niatsɛ; se ke e te si ɔ, e maa na kaa e sika a tsuo ta.

Hiob 3:13

I gbo kpoo jamɛ a be ɔ mi, jinɛ amlɔ nɛ ɔ, ye he mi jɔ mi.

Hiob 33:9

“Ye he tsɔ; i pee we nɔ́ ko nɛ dɛ blɔ. I yeɔ nguɔ; yayami ko be ye he.

Hiob 7:8

Nɛ́ nyɛ ngɛ mi hyɛe nɛ ɔ, nyɛ be mi nae hu. Nyɛ maa hi mi hyɛe kikɛ nɛ ɔ kɛkɛ i si nyɛ.

Hiob 8:1

O maa hi munyu nɛ ɔmɛ tue kɛ yaa si mɛni be? Munyu nɛ ngɛ kpo jee ngɛ o nya mi kaa kɔɔhiɔ nɛ ngɛ fiae vuguvugu nɛ ɔ, mɛni be o ma kpa tumi?

La 103:15

Nɔmlɔ adesa ngɛ kaa nga pɛ; e bɔɔ saminyayoo kaa nga nɔ mɔmɔ.

La 37:36

Be ko se ɔ, i ya gu he nɛ e hii ɔ, se e be lejɛ ɔ. I hla lɛ, se i nɛ lɛ.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Yesaya 64:9

Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.