Hiob 7:1 - BAIBLO ALOO NGMAMI KLƆUKLƆU Ɔ

¹ Nɔmlɔ adesa wami si himi ngɛ kaa ta; nɔmlɔ ngɛ kaa apaa yelɔ ngɛ je nɛ ɔ mi.

Hiob 7:1 ပူးပေါင်းရင်းမြစ်များ

Hiob 10:17

Daa nɛ ɔ, o yeɔ odase kɛ siɔ mi. Daa nɛ ɔ, o mi mi fuɔ mi wawɛɛ nitsɛ, nɛ daa nɛ ɔ, o toɔ ga he nɛ o kɛ ye mi awi.

Hiob 14:1

Nɔmlɔ adesa wami be ngɛ kpiti kɛkɛ, se e mi haomi hiɛ babauu.

Hiob 5:7

Nɔmlɔ adesa nitsɛ lɛ hlaa haomi kɛ haa e he kaa bɔ nɛ la lilɛ tee kɛ yaa hiɔwe ɔ.

Hiob 7:2

Nɔmlɔ ngɛ kaa nyɔguɛ nɛ ngɛ hɔ̃ hlae nɛ e hi mi. E ngɛ kaa apaa yelɔ nɛ ngɛ e hiɔwo blɔ hyɛe.

La 39:4

“Yawɛ, ma hi wami nɛ ɔ mi kɛ yaa si mɛni be? Mɛni be ma gbo? De mi, konɛ ma le kaa ye wami se be kɛe kulaa.”

Fiɛlɔ 8:8

Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.

Yesaya 16:14

Nɛ jehanɛ lɛɛ Yawɛ ke, “Hiɛmɛ nɛ ɔ jeha etɛ pɛpɛɛpɛ ɔ, ní nɛ ɔmɛ nɛ Moab ná, kɛ ma a mi nimli babauu ɔ tsuo hɛ mi ma kpata, nɛ nihi nɛ a yi ma na wami be nɔ́ ko nɔ́ ko sue; pohu a ma gbɔjɔ.”

Yesaya 21:16

Kɛkɛ nɛ Yawɛ de mi ke, “Hiɛmɛ nɛ ɔ jeha kake pɛpɛɛpɛ ɔ, Kedar weku ɔmɛ a he wami ɔ se maa po.

Yesaya 38:5

ke e ya nɛ e ya de Hezekia ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Ma ngɔ jeha nyɔngma kɛ enuɔ ngɔ piɛ o wami ligbi ɔmɛ a he ha mo.

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Mose III, 25:50

E kɛ nɔ nɛ he lɛ ɔ nɛ bu akɔtaa kɛ je be nɛ e jua e he ngɔ ha lɛ ɔ, kɛ ya si be nɛ Heyemi jeha a maa su, konɛ e na jeha abɔ nɛ ngɛ mi, nɛ e da nɔ nɛ e kɛ na sika nɛ e kɛ ma kpɔ e he ɔ. Á bu nɔ́ nɛ ɔ kaa bɔ nɛ a buu apaa yelɔ hiɔwo.

Mose V, 15:18

E ko wa ha mo kaa o maa ngmɛɛ nyɔguɛ ko he nɛ e ye e he. Ke o maa bu nya a, e sɔmɔ mo jeha ekpa sɔuu, nɛ apaatsɛ hiɔwo fa pɛ o puɛ ngɛ e he. Pee bɔ nɛ i ngɛ mo dee nɛ ɔ, nɛ Yawɛ, o Mawu ɔ maa gbaa o nine nya ní tsumi tsuo nɔ.