Hiob 6:27 - BAIBLO ALOO NGMAMI KLƆUKLƆU Ɔ

²⁷ Anɛ nyɛ ma nyɛ maa fɔ awusa bi nɔ sɔ lo? Anɛ nyɛ ma nyɛ maa wo nyɛ huɛ he jua lo?

Hiob 6:27 ပူးပေါင်းရင်းမြစ်များ

Hiob 22:9

O fieɔ yalɔyihi kɛ jeɔ o ngɔ kɛ a dɛ mi gu, nɛ awusahi hu o waa mɛ yi mi.

Hiob 24:3

A kpɔɔ awusahi a tejihi ngɛ a dɛ, nɛ yalɔyihi lɛɛ a ngɔɔ a na amɛ kɛ toɔ awaba.

Hiob 24:9

Nimli yayami komɛ kpɔɔ bimwɔwi nɛ be tsɛmɛ pani nya ngɛ a nyɛmɛ a nyɔ nya. A kɛ bimwɔwi nɛ ɔmɛ toɔ a tsɛmɛ ɔmɛ a hiɔhi a nya.

Hiob 29:12

Ejakaa ke ohiatsɛmɛ kpa ngmlaa kɛ tsɛ balɔ ɔ, i jeɔ mɛ; awusahi hu i piɛɔ a he ja nɔuu.

Hiob 31:17

Ke i ngɛ ní yee ɔ, i ha we nɛ hwɔ yeɔ awusahi.

Hiob 31:21

Ke i ya ye awusa ko amimi, ejakaa i le kaa bɔ tsuaa bɔ nɛ pee ɔ, a maa wo mi nguɔ ngɛ kojomi he ɔ,

La 57:6

Ye he nyɛli ɔmɛ tsɔ mi klama; nɛ ye ní pee mɔbɔ kulaa. A tsua muɔ ngɛ ye blɔ ɔ mi, se mɛ nitsɛmɛ mohu a ya nɔ mi.

La 7:15

E tsuaa muɔ kɛ haa ni kpahi; se muɔ ɔ nɛ e tsua a, lɛ nitsɛ nɛ e maa nɔ mi.

La 82:3

Nyɛɛ ye ohiatsɛmɛ, kɛ awusahi a sane ha mɛ. Nyɛɛ tu munyu ha nɔ́ nali, kɛ ni nɛmɛ nɛ be nɔ́ ko.

Mose II, 22:21

“Koo pee nubwɔ yayami, nɛ koo wa lɛ yi mi; ejakaa nyɛ hu nyɛ ya to nubwɔ ngɛ Egipt zugba a nɔ.

Yeremia 18:20

Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

Yeremia 18:22

Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Yoel 3:3

A fɔ sɔ kɛ dla nyɔguɛhi nɛ a nuu ngɛ ta mi ɔ ngɔ ha a he. A kɛ nyumuwi ɔmɛ tsake yaholi, nɛ a jua yiwi ɔmɛ kɛ he wai nɛ a nu.

Nahum 3:10

Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.