Hiob 6:25 - BAIBLO ALOO NGMAMI KLƆUKLƆU Ɔ

²⁵ Anɔkuale munyuhi gbɔɔ nɔ tsui mi; se ye hɛ mi nɛ nyɛ ba ngɛ kae nɛ ɔ lɛɛ yaka kɛkɛ.

Hiob 6:25 ပူးပေါင်းရင်းမြစ်များ

Abɛ Womi 25:11

Munyu nɛ a tu pɛpɛɛpɛ ngɛ be nɛ sa mi ɔ, e ngɛ kaa sika tsu akutuhi nɛ a to ngɔ wo sika hiɔ nɔ́ mi.

Abɛ Womi 18:21

Munyu nɛ jeɔ nɔ nya mi ɔ, gbenɔ, loo wami lɛ e kɛ baa. Nihi nɛ suɔ munyu tumi ɔ, nɔ́ kpakpa, loo nɔ́ yaya ko nɛ maa je mi kɛ ba a, e sa mɛ.

Abɛ Womi 12:18

Munyu nɛ a tuɔ kɛkɛ nɛ juɛmi be mi ɔ, e yeɔ nɔ awi kaa klaate. Se ní lelɔ nya mi munyu tsaa nɔ.

Hiob 32:3

Elihu mi mi fu Hiob huɛmɛ etɛ ɔmɛ hulɔ, ejakaa a bu Hiob fɔ, be mi nɛ mɛ nitsɛmɛ a nɛ heto kpakpa ko nɛ a ha lɛ.

Hiob 24:25

Ke ní nɛ ɔmɛ be mi ɔ, mɛnɔ ma nyɛ maa tsɔɔ kaa i ngɛ lakpa yee? Anɛ nɔ ko ma nyɛ maa tsɔɔ kaa munyu gu lɛ i ngɛ tue ɔ lo?

Hiob 21:34

Nɛ nyɛɛ lɛɛ nyɛɛ kɛ munyu gu ba ngɛ ye bua jɔɔe! Hetohi nɛ nyɛ ha mi ɔ, lakpa sɔuu; anɔkuale kake ngmelu be mi.

Hiob 13:5

I na nɛ nyɛ ma nyɛ nya mohu, jinɛ a ko tsɛ nyɛ ní leli.

Hiob 4:4

Nɔ nɛ miɔ nɛ e maa nɔ si ɔ, o munyu ɔ nuɔ lɛ kɛ daa si ekohu. Nakutsohi nɛ gbɔjɔ ɔ, o woɔ mɛ he wami, nɛ a teɔ si ekohu.

Hiob 6:24

Yoo, nyɛɛ kɛ mi nɛ tu munyu. Nyɛɛ tsɔɔ mi nɔ́ nɛ i pee nɛ dɛ; ma pee dii nɛ ma bu nyɛ tue.

Hiob 6:26

Nyɛ susuɔ kaa nyɛɛ lɛɛ nyɛ ngɛ juɛmi munyuhi tue, se imi nɛ ye nine mi je wu ɔ, ye munyu ɔmɛ peeɔ kɔɔhiɔ; pi ja?

Hiob 27:12

Se tse nyɛ nitsɛmɛ nyɛ na ní nɛ ɔmɛ momo kɛ nyɛ hɛngmɛ. Lɛɛ mɛni he je lɛ nyɛ tsuo nyɛ ngɛ munyuhi nɛ a he be se nami tue kikɛ nɛ ɔ mɔ?

Abɛ Womi 15:23

E ji bua jɔmi sane kaa a ma ha munyu heto pɛpɛɛpɛ. Munyu nɛ a tu ngɛ be nɛ sa mi ɔ, hyɛ bɔ nɛ e hi ha!