Hiob 6:21 - BAIBLO ALOO NGMAMI KLƆUKLƆU Ɔ

²¹ Nyɛ ngɛ kaa jamɛ a pa a nɛ e mi nyu mii ta a pɛpɛɛpɛ. Nyɛ ba na mi ngɛ haomi si himi mi, kɛkɛ nɛ nyɛ ye gbeye.

Hiob 6:21 ပူးပေါင်းရင်းမြစ်များ

La 38:11

Ye hiɔ ɔ he je ɔ, ye suɔli, kɛ ye huɛmɛ bɛ ye kasa nya. Ye nyɛmimɛ tete po, se lokoo a daa.

2 Timoteo 4:16

Kekleekle nɛ i ya fa ye he ngɛ kojomi he ɔ, nɔ ko nɔ ko kɛ mi yɛ. Mɛ tsuo a si mi; Mawu kó gbla a tue ngɛ enɛ ɔ he.

Mateo 26:56

Se a pee ní nɛ ɔmɛ tsuo, konɛ níhi nɛ gbali ɔmɛ ngma a nɛ ba mi.” Amlɔ ɔ, kaseli ɔmɛ tsuo tu fo nɛ a si lɛ.

Mateo 26:31

Jehanɛ ɔ, Yesu de mɛ ke, “Nyɔ nɛ ɔ mi ɔ, nyɛ tsuo nyɛ maa tu fo kɛ je ye he. Ejakaa a ngma ke, ‘Ma fia to hyɛlɔ ɔ nɔ, nɛ to kuu ɔ maa gbɛ fĩa.’

Yeremia 51:9

Nibwɔhi nɛ ngɛ Babilonia a de ke, ‘Jinɛ wa ka kaa wa maa piɛ a he, se wa ya nyɛ we. Lɔ ɔ he ɔ, nyɛ ha nɛ waa je e he; nɔ tsuaa nɔ nɛ pue e ma mi blɔ. Mawu gbla Babilonia tue wawɛɛ nitsɛ; Mawu kpata zugba a hɛ mi pɛsɛpɛsɛ.’ ”

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Abɛ Womi 19:7

Ohiatsɛ lɛɛ e nyɛmimɛ tete po sume lɛ, lɔ ɔ he ɔ, e be nyakpɛ kaa e huɛmɛ tsɛ̃ɔ a he kɛ jeɔ e he. Ke e hla a se blɔ kaa mɛni po, e nine sui a nɔ.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

Hiob 13:4

Nyɛɛ lɛɛ pe nyɛ poɔ sane deɔ; nyɛ tsuo nyɛ ngɛ kaa tsopatsɛmɛ nɛ a he be se nami.

Hiob 6:15

Se nyɛ ye nyɛmimɛ, nyɛ sisiɔ mi kaa pa nɛ gbli, be mi nɛ hiɔmi nɛ́.

Hiob 6:22

Anɛ i de nyɛ ke nyɛ ba ke mi ní, aloo nyɛ ya ha nɔ ko nyɔ mi ní ha mi lo?

Hiob 19:19

Ye huɛmɛ kpakpahi tsuo ngɛ mi hiee; ni nɛmɛ nɛ i suɔ mɛ saminya po te si wo mi.