Hiob 6:14 - BAIBLO ALOO NGMAMI KLƆUKLƆU Ɔ

¹⁴ I kua Mawu jio, i kua we lɛ jio, ngɛ haomi kaa kikɛ nɛ ɔ mi ɔ, e hia mi huɛmɛ nɛ ma he mɛ ma ye.

Hiob 6:14 ပူးပေါင်းရင်းမြစ်များ

Mose I, 20:11

Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Hiob 15:4

E je mo nɔ kake o he jinɛ nɔ ko nɔ ko be Mawu gbeye yee hu; jinɛ nɔ ko nɔ ko be kue fae ha lɛ hu.

Hiob 16:5

Jinɛ ma wo nyɛ ga, nɛ ma tu munyu kɛ wo nyɛ bua.

Hiob 19:21

Nyɛɛ na mi mɔbɔ; ye huɛmɛ nyɛɛ na mi mɔbɔ, ejakaa Mawu nine sa ye he.

Abɛ Womi 17:17

Huɛmɛ suɔ a he be tsuaa be, se nyɛmimɛ lɛɛ haomi be mi tete po a si we a sibi.

Abɛ Womi 25:19

Ke hɛdɔ ba, nɛ o ngɔ o hɛ kɛ fɔ nɔmlɔ yayami nɔ ɔ, e ngɛ kaa nɔ́ nɛ o kɛ lungu yaya ngɛ nɔ́ tae, loo o kɛ nane nɛ tɔ̃ ngɛ nyɛɛe.

Zakaria 7:9

“Blema lokoo ɔ, i wo ye ma a mlaa nɛ ɔmɛ ke, ‘Nyɛɛ hyɛ nɛ a ye dami sane; nyɛ mi mi nɛ jɔ, nɛ nyɛɛ na nyɛ sibi mɔbɔ.

Luka 23:40

Se nɔ kake ɔ ka e hɛ mi, nɛ e de ke, “O yi Mawu gbeye? Waa kɛ lɛ tsuo ɔ, gbenɔ fɔ kake ɔ nɔuu lɛ a bu wɔ.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

2 Korintobi 11:29

Ke nɔ ko mumi gbo, kɛkɛ imi hu ye nɔ́ ɔ gbo; ke nɔ ko nane kpata, kɛkɛ ye mi mi sã mi ha lɛ.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.