Hiob 5:9 - BAIBLO ALOO NGMAMI KLƆUKLƆU Ɔ

⁹ Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Hiob 5:9 ပူးပေါင်းရင်းမြစ်များ

La 40:5

Yawɛ, ye Mawu! O tsu nyakpɛ ní babauu ha wɔ; o to yi mi kpakpa babauu ngɛ wa he; mɛnɔ po kɛ mo sɔ? Ke i ke ma tu ní nɛ ɔmɛ tsuo a he munyu ɔ, i be nyɛe; ejakaa a he hiɛ tsɔ.

Hiob 9:10

E peeɔ ní nguahi nɛ nimli adesahi a juɛmi sui he. E nyakpɛ ní ɔmɛ hiɛ babauu nɛ a li nya.

La 72:18

A je Yawɛ, Israel Mawu ɔ yi; lɛ nɔ kake too lɛ e peeɔ nyakpɛ níhi!

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Hiob 37:5

Ke Mawu wo gbi kikɛ nɛ ɔ, e peeɔ ní nguahi nɛ wa juɛmi sui he.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

La 139:18

Ke i ke ma kane mɛ ɔ, i be nyɛe, ejakaa a he hiɛ babauu pe zia. Loko ye hɛ maa tsɛ po o ngɛ ye he susue momo.

Hiob 42:3

O bi ke kɛ peeɔ kɛɛ nɛ i biɔ sane nɛ kɔɔ mo o nile he, be mi nɛ imi lɛɛ i li nɔ́ ko nɔ́ ko ɔ? I tu níhi nɛ i nui sisi a he munyu; nyakpɛ níhi nɛ ye juɛmi sui a he.

Hiob 10:16

Ke níhi a mi hi ha mi bɔɔ ɔ, o nyɛɛɔ ye se kaa jata. O guu nyakpɛ blɔhi a nɔ, nɛ o kɛ yeɔ mi awi.

Hiob 37:14

Hiob, bu tue! Da si dii nɛ o susu Mawu nyakpɛ ní ɔmɛ a he.

Hiob 37:16

Bɔ nɛ bɔkuhi plɛɔ kɛ beɔ kɛ a he sɔmi ngɛ nyakpɛ blɔ nɔ ɔ, anɛ o le lo? Ee, ní lelɔ kpanaa a, e ní tsumi ji lɔ ɔ nɛ.

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

Fiɛlɔ 3:11

E peeɔ nɔ́ tsuaa nɔ́ saminyayoo ngɛ e be mi. E ha nɔmlɔ juɛmi nɛ e kɛ leɔ níhi nɛ be momo, kɛ níhi nɛ maa ba hwɔɔ se. Se kɛ̃ ɔ, lɛ Mawu ɔ ní tsumi kɛ je sisije kɛ ya si nyagbe ɔ, lɔ ɔ lɛɛ nɔmlɔ juɛmi sui he.

Hiob 13:1

Ní nɛ ɔmɛ tsuo nɛ nyɛ ngɛ dee ɔ, i na, nɛ i nu hyɛ; i nu lɛ tsuo sisi. Nɔ́ tsuaa nɔ́ nɛ nyɛ le ɔ, imi hu i le; nyɛ pi mi.

La 40:6

O hla we bɔ, nɛ o hla we nike ní hulɔ. O bi we ke a sã sami bɔ, loo yayami pami bɔ ha mo. Mohu ɔ, o bli ye tue, konɛ ma nu o gbi.