Hiob 5:8 - BAIBLO ALOO NGMAMI KLƆUKLƆU Ɔ

⁸ Imi ji mo jinɛ i ko hla Mawu se blɔ, nɛ ma tu ye sane ɔ kɛ wo e dɛ mi.

Hiob 5:8 ပူးပေါင်းရင်းမြစ်များ

Hiob 11:13

Hiob, tsake o tsui, nɛ o bua o nine nya nɛ o fa kue ha Mawu.

Hiob 13:3

Imi lɛɛ Mawu Ope ɔ lɛ i kɛ na, se pi nyɛ; ma suɔ nɛ i kɛ lɛ wa hla níhi a nya.

Hiob 22:21

Lɔ ɔ he ɔ, Hiob, yaa nɛ o kɛ Mawu ya pee kake nɛ o na tue mi jɔmi. Blɔ nɔ nɛ o maa gu nɛ e maa hi ha mo ji nɛ ɔ nɛ.

Hiob 22:27

Ke o fa kue ha lɛ ɔ, e ma he nɔ, nɛ o maa ye o siwo ɔ nɔ.

Hiob 8:5

Lɛɛ mo nitsɛ mo hla Mawu Ope ɔ se blɔ nɛ o fa kue ha lɛ.

La 37:5

Ngɔɔ o he kɛ ha Yawɛ; ngɔɔ o hɛ kɛ fɔ e nɔ, nɛ e maa piɛ o he.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.