Hiob 5:7 - BAIBLO ALOO NGMAMI KLƆUKLƆU Ɔ

⁷ Nɔmlɔ adesa nitsɛ lɛ hlaa haomi kɛ haa e he kaa bɔ nɛ la lilɛ tee kɛ yaa hiɔwe ɔ.

Hiob 5:7 ပူးပေါင်းရင်းမြစ်များ

Hiob 14:1

Nɔmlɔ adesa wami be ngɛ kpiti kɛkɛ, se e mi haomi hiɛ babauu.

Hiob 7:1

Nɔmlɔ adesa wami si himi ngɛ kaa ta; nɔmlɔ ngɛ kaa apaa yelɔ ngɛ je nɛ ɔ mi.

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

Fiɛlɔ 1:8

Nɔ́ tsuaa nɔ́ ngɛ je nɛ ɔ mi ɔ peeɔ pɔtɔ kɛ yaka nɛ hi kalemi; nɔ́ hyɛmi kɛ munyu tumi gbi nɔ nya.

Fiɛlɔ 2:22

Haomi nɛ baa nɔmlɔ nɔ, kɛ dengme babauu nɛ e gboɔ ngɛ je nɛ ɔ mi ɔ, mɛni se lɛ e naa?

Fiɛlɔ 2:23

Níhi nɛ nɔmlɔ adesa tsuɔ e wami be ɔ tsuo peeɔ haomi kɛ kɔmɔ yemi sɔuu. Nyɔ mi po e juɛmi ha we lɛ he jɔmi. Enɛ ɔ hu ji yaka nɔ́ ko.

Yeremia 20:18

Mɛni he je a fɔ mi kulaa? Pe a fɔ mi nɛ ma ba na nɔ́, nɛ ma hao, nɛ zo nɛ gbe mi ye wami ligbi tsuo lo?

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.