Hiob 5:5 - BAIBLO ALOO NGMAMI KLƆUKLƆU Ɔ

⁵ Kuasiahi a ngmɔ ní ɔ, ke mio mi e ngɛ po, nihi nɛ hwɔ ngɛ mɛ yee ma ya ye. A juetli he kuma maa ye nihi.

Hiob 5:5 ပူးပေါင်းရင်းမြစ်များ

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Hiob 1:15

Tlukaa a, Sabea bi ɔmɛ ba yu a nɔ, nɛ a muɔ lohwe ɔmɛ tsuo kɛ ho. A gbe o tsɔli ɔmɛ tsuo; imi nɔ kake too lɛ i je mi, nɛ i ba konɛ ma ba bɔ mo amaniɛ.”

Hiob 1:17

E nya na we nɛ e nɔ si nɛ tsɔlɔ kpa ba nɛ e ba de ke, “Kaldea ní hali a kuu etɛ ba tua wɔ. A gbe o tsɔli ɔmɛ tsuo, nɛ a ngɔ afukpɔngɔ ɔmɛ kɛ je. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Hiob 12:6

Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Hiob 2:3

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ. O ba nyɛ ye nɔ ke ma ha mo blɔ nɛ o ya hao lɛ, be mi nɛ e pee we yayami ko kulaa. Se kɛ ba si piɔ ɔ, Hiob ngɛ anɔkuale yee kɛ mwɔɔ.”

Hiob 20:15

Ní kpakpahi nɛ yayami peelɔ mi ɔ, e vieɔ kɛ pueɔ si ekohu. Mawu nitsɛ jeɔ ní ɔmɛ kɛ jeɔ e mi mi.

Hiob 20:22

Be mi nɛ e na e he ɔ, jamɛ a be ɔ, haomi nɛ nya wa maa ba e nɔ tlukaa.

Hiob 22:10

Enɛ ɔ he je ɔ, a tsɔ mo klama kɛ bɔle si, nɛ amlɔ nɛ ɔ, sawale nu mo.

La 109:11

E hiɔtsɛmɛ nɛ a ba kpɔ e níhi tsuo ngɛ e dɛ; nɛ níhi tsuo nɛ e gbo dengme kɛ na a, nibwɔhi nɛ a ba ha.

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

Yeremia 51:34

Babilonia matsɛ, Nebukadnezar poo Yerusalem mi nɛ e ye. E muɔ níhi kɛ je ma a mi, nɛ ma a fɔɔ si kaa buɛ mi gu. E mi ma a kaa bɔ nɛ sinɔ ngua miɔ nɔ́ ɔ. E ye ma a mi ní kpakpa amɛ, nɛ e sake nɔ́ nɛ piɛ ɔ ngɔ pue he.

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Kɔmɔ Yemi 2:16

O he nyɛli ɔmɛ tsuo ngɛ munyu tue kɛ ngɛ mo sie; a kɛ ninyɛ hyɛɛ mo gãã. A kpɔɔ nya kɛ woɔ mo. A deɔ ke, “E tsɔɔ mo! Mwɔnɛ ji mwɔnɛ! Wa nine su o nɔ jehanɛ!”

Kɔmɔ Yemi 2:5

Nyɔmtsɛ ɔ kpata Israel hɛ mi kaa nɔ́ nɛ e he nyɛlɔ ji lɛ. E ywia e mɔ ɔmɛ, kɛ matsɛ we ɔmɛ ngɔ pue si. E ha nɛ Yuda ma a ngɛ kɔmɔ yee babauu.

Hosea 8:7

Ejakaa ke a du kɔɔhiɔ ɔ, a ma kpa lasiogblee! Blɛfo ngmɔ nɛ wui ní ɔ, a be mamu nae kɛ je mi. Ke e wo yiblii po nibwɔhi ma ba ye lɛ tsuo.

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

Mose V, 28:51

A maa ye nyɛ we mi lohwe ɔmɛ, kɛ nyɛ ngmɔ niba ní ɔmɛ tsuo; se nyɛɛ lɛɛ nyɛ ma gbo kɛ hwɔ. He nyɛli ɔmɛ be ngma, loo wai, loo nu, loo na, loo to piɛe ha nyɛ; nɛ nyɛ ma gbo.

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.