Hiob 5:19 - BAIBLO ALOO NGMAMI KLƆUKLƆU Ɔ

¹⁹ E ma je mo kɛ je haomihi tsuo a mi, nɛ nɔ́ ko be o he sae.

Hiob 5:19 ပူးပေါင်းရင်းမြစ်များ

La 34:19

Nɔ nɛ peeɔ nɔ́ nɛ da a, haomi babauu baa e nɔ; se Yawɛ jeɔ lɛ kɛ jeɔ lɛ tsuo mi.

La 34:20

Yawɛ hyɛɛ e nɔ saminya; e wu kake ngmelu po ku we ngɛ e wu ɔmɛ tsuo a kpɛti.

La 66:12

O ha wa he nyɛli ye wa nɔ; wa gu la mi, nɛ wa gu nyu mi hulɔ, se o je wɔ slɔkee kɛ ba he nɛ kplɔkɔtɔ ngɛ.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Abɛ Womi 24:16

Nɔmlɔ kpakpa a, ke e nɔ si nɔtonɔto si kpaago po, e maa te si ekohu. Se nimli yayamihi lɛɛ ke haomi ba a nɔ kɛkɛ a hɛ mi kpata pɛsɛpɛsɛ.

Abɛ Womi 6:16

Ní kpaago komɛ nɛ Yawɛ hiee, nɛ e sume saasaa ji: Hewo, Lakpa yemi, Nɔ nɛ pee we nɔ́ ko e muɔ si puemi, Ga yayami tomi, He sɔmi kɛ yayami peemi, Lakpa odase yelɔ, kɛ Nɔ nɛ woɔ e nyɛmimɛ a kpɛti pɛ.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yeremia 39:17

Se moo lɛɛ ma he o yi wami jamɛ a ligbi ɔ, nɛ a be mo ngɔe kɛ wo nihi nɛ o ngɛ mɛ gbeye yee ɔ a dɛ mi.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Daniel 3:25

Matsɛ ɔ bi ekohu ke, “Lɛɛ mɛni he je i ngɛ nihi eywiɛ hyɛe nɛ a ngɛ nyɛɛe ngɛ la a mi mɔ? Nimli nɛ i ngɛ hyɛe nɛ ɔ, a fi we mɛ, nɛ pohu la a sɛ̃ mɛ. Jehanɛ, nɔ nɛ piɛ a he nɛ a pee eywiɛ ɔ lɛɛ e ngɛ kaa mawu ko.”

Daniel 6:16

Lɔ ɔ he ɔ, matsɛ ɔ fa e tsɔli ɔmɛ, nɛ a ya nu Daniel, nɛ a sake lɛ kɛ fɔ jatahi a muɔ mi. Matsɛ Darius de Daniel ke, “O Mawu ɔ nɛ o sɔmɔɔ lɛ daa a, e je mo!”

Daniel 6:17

Kɛkɛ nɛ a ya ngɔ tɛ kɛ ba fɔ muɔ ɔ nya, nɛ matsɛ ɔ kɛ lɛ nitsɛ e nɔ́ nya sɔumi nɔ́, kɛ e ma nimeli ɔmɛ hu a nɔ́ nya sɔumi nɔ́ sɔu muɔ ɔ nya. A pee nɔ́ nɛ ɔ, konɛ nɔ ko kó ya je Daniel ngɛ muɔ ɔ mi.

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

2 Korintobi 1:8

Nyɛmimɛ, amanehlu nɛ wa na ngɛ Asia a, wa sume kaa wa maa laa nyɛ nɔ́ ko. Wa na nɔ́ tsɔ pe bɔ nɛ wa ma nyɛ, nɛ wa hɛ be nɔ kaa wa maa hi je mi tete.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.