Hiob 5:17 - BAIBLO ALOO NGMAMI KLƆUKLƆU Ɔ

¹⁷ A gbaa nɔ nɛ Mawu kaa e hɛ mi ɔ. Ke Mawu Ope ɔ ngɛ o hɛ mi kae ɔ, koo ngɔ lɛ kaa nɔ́ ko nyafii.

Hiob 5:17 ပူးပေါင်းရင်းမြစ်များ

Hiob 11:13

Hiob, tsake o tsui, nɛ o bua o nine nya nɛ o fa kue ha Mawu.

Hiob 15:11

Bua jɔmi nɛ Mawu ha mo ɔ, e pi ha mo lo? Bɔ nɛ e kɛ mo tuɔ munyu blɛuu ɔ, lɔ ɔ sɛ́ o hɛ mi lo?

Hiob 36:15

Mawu tsɔɔ nihi ní kɛ guu nɔ́ nami mi; e ngɔɔ amanehlu kɛ bliɔ nihi a hɛngmɛ.

Hiob 36:16

Mawu je mo kɛ je amanehlu mi, nɛ e ha mo tue mi jɔmi, kɛ niye ní kpakpa.

Hiob 8:5

Lɛɛ mo nitsɛ mo hla Mawu Ope ɔ se blɔ nɛ o fa kue ha lɛ.

La 118:18

Yawɛ gbla ye tue wawɛɛ mohu, se e ha we nɛ ma gbo.

La 94:12

Yawɛ, nɔmlɔ nɛ o tsɔseɔ lɛ, nɛ o tsɔɔ lɛ o mlaa a, a gbaa lɛ.

Yeremia 31:18

“I nu nɛ Israel ma a ngɛ kɔmɔ yee ke, ‘Yawɛ, jinɛ wa ngɛ kaa lohwe nɛ hɛ mi jɔɛ; se o tsɔse wɔ nɛ wa he jɔ. Moo kpale wɔ kɛ ba o ngɔ ekohu, ejakaa mo ji Yawɛ, wa Mawu ɔ nɛ.

Mose V, 8:5

Nyɛ na nɛ nyɛɛ le kaa bɔ nɛ tsɛ tsɔseɔ e bi ɔ, ja Yawɛ, nyɛ Mawu ɔ ngɛ nyɛ tsɔsee ɔ nɛ.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Yakobo 5:11

Niinɛ, nihi nɛ to a tsui si wawɛɛ ɔ, wa buu mɛ nihi nɛ a gbaa mɛ. Nyɛ nu bɔ nɛ Hiob to e tsui si, nɛ́ nyagbe ɔ, Nyɔmtsɛ ɔ ha e na ní babauu. Nyɔmtsɛ ɔ mi mi jɔ, nɛ e naa mɔbɔ.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.