Hiob 5:12 - BAIBLO ALOO NGMAMI KLƆUKLƆU Ɔ

¹² Lɛ nɛ e tsakeɔ nɔ sisili a yi mi tomi, nɛ níhi nɛ a so kaa a maa pee ɔ, a nyɛ we nɛ a peeɔ.

Hiob 5:12 ပူးပေါင်းရင်းမြစ်များ

Mose I, 31:22

Ligbi etɛne ɔ nɔ ɔ, nɔ ko ya de Laban ke Yakob tu fo.

Samuel II, 11:9

Se Uria yɛ we mi; mohu e kɛ e nyɔmtsɛ ɔ tsɔli ɔmɛ tsuo ya hwɔ matsɛ we ɔ agbo ɔ nya.

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Matsɛmɛ II, 6:9

Se Mawu nɔmlɔ ɔ tsɔ ya naa Israel matsɛ ɔ nane nɔ ke e ko ya lejɛ ɔ; ejakaa Siria bi ɔmɛ ma ya wo ka ngɛ lejɛ ɔ.

Nehemia 4:15

Wa he nyɛli ɔmɛ ba na kaa wa le nɔ́ nɛ a ngɛ susue kaa a maa pee ɔ; a kpá si kaa Mawu puɛ a yi mi tomi ɔmɛ. Kɛkɛ nɛ wɔ tsuo wa kpale kɛ ya tsa gbogbo ɔ fiami ɔ nɔ.

Nehemia 4:9

Se wɔɔ lɛɛ wa sɔle nɛ wa tsɛ wa Mawu ɔ, nɛ wa ha nihi bu nyɔ kɛ pia kɛ huɔ mɛ.

Hiob 15:5

Nɔ́ nɛ o ngɛ dee ɔ yeɔ o he yayami ɔmɛ a he odase; lakpa sɔuu lɛ o ngɛ yee ɔ nɛ.

La 21:11

Ke a so e yi nɔ, aloo a to yi mi yaya ngɔ wo e he po, a nine be e nɔ sue.

La 37:17

Ejakaa Yawɛ ma ha nɛ yayami peeli a he wami maa ta. Se ni nɛmɛ nɛ peeɔ kpakpa lɛɛ e maa bu a he.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Abɛ Womi 22:12

Yawɛ haa anɔkuale daa si, nɛ yayami peelɔ munyuhi peeɔ yaka.

Yesaya 19:3

Ma ha ga amɛ nɛ Egipt bi ɔmɛ to ɔ maa pee yaka, nɛ a mumu nya maa ta. A ma de amaga amɛ ke a ba piɛ a he; a ma ya bi ní ngɛ ní peeli a ngɔ, nɛ a ma bi ga womi kɛ je klamɔhi, kɛ kpade tsɛli a ngɔ.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Yeremia 49:7

Bɔ nɛ Yawɛ Tabohiatsɛ ɔ de ngɛ Edom he ji nɛ ɔ nɛ: “Anɛ Edom bi ɔmɛ a juɛmi ɔ ta lo? Anɛ a ga woli ɔmɛ wui mɛ ga hu lo? Anɛ a nile ɔ se po lo?

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Obadia 1:8

“Ligbi nɛ ma gbla Edom tue ɔ, ma kpata e ní leli ɔmɛ a hɛ mi, nɛ ma ha a ní lemi ɔ tsuo se maa po.

Ni Tsumi 12:11

Jehanɛ Petro hɛ mi pee lɛ paa, nɛ e de ke, “Kpaako i na le! Nyɔmtsɛ ɔ tsɔ e bɔfo ɔ kɛ ba, nɛ e ba je mi kɛ je Herode dɛ mi, kɛ je níhi nɛ Yuda bi ɔmɛ to kaa a maa pee mi ɔ a mi.”

Samuel I, 23:13

Lɔ ɔ he ɔ, David kɛ e we bi maa pee lafa ekpa a je Keila nɔuu, nɛ a bɔni lalaalo womi kɛ ngɛ nyɛɛe kɛ ngɛ bee. Benɛ Saul nu kaa David tu fo kɛ je Keila a, e yɛ lejɛ ɔ hu.