Hiob 5:11 - BAIBLO ALOO NGMAMI KLƆUKLƆU Ɔ

¹¹ Ee, nihi nɛ baa a he si ɔ, Mawu woɔ a nɔ; lɛ nɛ e woɔ kɔmɔ yeli a bua.

Hiob 5:11 ပူးပေါင်းရင်းမြစ်များ

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Luka 6:21

“A gbaa nyɛ nihi nɛ hwɔ ngɛ nyɛ yee amlɔ nɛ ɔ; Mawu ma ha nyɛ maa tɔ! “A gbaa nyɛ nihi nɛ nyɛ ngɛ ya foe amlɔ nɛ ɔ, ejakaa nyɛ ma ba muɔ!

Ezekiel 17:24

Zugba a nɔ tso ɔmɛ tsuo maa le kaa imi Yawɛ lɛ i haa tso gagaa peeɔ kpiti, nɛ tso kpiti kaa gagaa. Imi lɛ i haa tso mumu gbliɔ, nɛ tso gbigbli peeɔ tso mumu ekohu. Imi, Yawɛ lɛ i de, nɛ ma pee.”

La 113:7

E woɔ humi bi nɔ kɛ jeɔ zu mi; e woɔ ohiatsɛ nɔ kɛ jeɔ kuku nɔ,

La 107:41

Se nihi nɛ e fi mɛ ɔ, e je mɛ kɛ je a haomihi a mi; nɛ e ha a ngmɛdu he ba hiɛ babauu kaa tohi.

Mose V, 33:27

Mawu nɛ ngɛ kɛ yaa neneene ɔ ji nyɛ wesa he. Lɛ ji nɔ nɛ baa nyɛ yi daa. Lɛ ji nɔ nɛ fie nyɛ he nyɛli ɔmɛ ngɛ nyɛ hɛ mi, nɛ e de nyɛ ke nyɛ kpata mɛ tsuo a hɛ mi ɔ nɛ.

Yakobo 1:9

Kristo se nyɛɛlɔ ohiatsɛ ɔ, ke Mawu wo e nɔ ɔ, e fĩa;

La 91:14

Bɔ nɛ Mawu ngɛ dee ji nɛ ɔ nɛ: “Nɔ nɛ suɔ mi, nɛ e le ye biɛ Yawɛ ɔ, ma he e yi wami, nɛ ma bu e he.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Hiob 22:29

Nɔ nɛ woɔ e he nɔ ɔ, Mawu baa lɛ si, se nɔ nɛ baa e he si ɔ, Mawu heɔ e yi wami.

Hiob 36:7

Mawu hɛngmɛ ngɛ dali a he be tsuaa be. E hyɛɛ a nɔ kaa matsɛmɛ, nɛ e woɔ a hɛ mi nyami daa.

Hiob 8:7

Hwɔɔ se ɔ, Mawu ma ha mo ní babauu nɛ maa hiɛ kulaa pe kekle nɔ́ ɔ.