Hiob 42:8 - BAIBLO ALOO NGMAMI KLƆUKLƆU Ɔ

⁸ Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Hiob 42:8 ပူးပေါင်းရင်းမြစ်များ

Mose I, 20:17

Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Kronika I, 15:26

A gbe na ku kpaago, kɛ jijɔ kpaago kɛ sã bɔ, ejakaa Mawu piɛ Levi bi ɔmɛ nɛ hɛɛ somi daka a a he.

Kronika II, 29:21

A ngɔ na ku kpaago, agbosu kpaago, jijɔ kpaago, kɛ to akpakpo kpaago kɛ ya sã yayami pami bɔ kɛ ha matsɛ ɔ, Yawɛ we ɔ, kɛ Yuda ma a. Matsɛ ɔ fa osɔfo ɔmɛ, nɛ ji Aaron nina a ke a gbe lohwe ɔmɛ nɛ a kɛ sã bɔ ngɛ Yawɛ bɔ sami la tɛ ɔ nɔ.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Hiob 1:8

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ.”

Hiob 22:30

Nihi nɛ pee we yayami ko ɔ, Mawu heɔ a yi wami. Mo hu ke o he tsɔ ɔ, Mawu ma he o yi wami ja nɔuu.

Hiob 35:8

Ke o pee yayami ɔ, o nyɛmi nɔmlɔ adesa lɛ naa nɔ́; ke o pee kpakpa a, o nyɛmi nɔmlɔ adesa lɛ naa he se.

Hiob 42:9

Elifaz, Teman no ɔ, Bildad, Shua no ɔ, kɛ Zofar, Naamat no ɔ ho nɛ a ya pee kaa bɔ nɛ Yawɛ de mɛ ke a pee ɔ. Nɛ Yawɛ bu Hiob kue fami ɔ tue.

La 103:10

E gbla we wa tue bɔ nɛ sa wɔ; wa yayami ɔmɛ hu e wui wɔ a he hiɔ bɔ nɛ sa wɔ.

Mose II, 18:12

Mose ngatsɛ Yetro ngɔ sami bɔ, kɛ bɔ kpa komɛ ba ha Yawɛ, nɛ Aaron kɛ Israel ma nimeli ɔmɛ tsuo ba, nɛ a kɛ Mose ngatsɛ ɔ ba bla kɛ ye bɔ sami ní ɔ ngɛ Mawu hɛ mi, nɛ a kɛ ja Mawu.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yeremia 14:11

Yawɛ de mi ke, “Koo fa kue ha mi ke ma pee ma nɛ ɔ kpakpa.

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Ezekiel 14:14

Ke e ba mi kaa ni etɛ nɛ ɔmɛ, Noa, Daniel, kɛ Hiob ngɛ jamɛ a zugba a nɔ tete po ɔ, a kpakpa peemi ɔ, mɛ nitsɛmɛ a yi wami pɛ e ma nyɛ he kɛ je hɛ mi kpatami ɔ mi.” Nyɔmtsɛ Yawɛ lɛ de.

Ezekiel 45:23

Ligbi kpaago ɔmɛ tsuo nɛ a ngɛ nyami be ɔ yee ɔ, daa ligbi ɔ, e ngɔ na ku kpaago, kɛ agbosu kpaago nɛ kpa ko be a he kɛ ba ha Yawɛ, nɛ e kɛ sã bɔ nɛ a sãã lohwe ɔ tsuo. E ngɔ to akpakpo kake hulɔ kɛ sã yayami pami bɔ daa ligbi.

Mose IV, 23:1

Balaam de Balak ke, “Moo puɛ bɔ sami la tɛ kpaago ha mi ngɛ hiɛ ɔ, nɛ o ya hla na ku kpaago, kɛ agbosu kpaago kɛ ba.”

Mose IV, 23:14

E ngɔ lɛ kɛ ho Zofim nga a nɔ ya, ngɛ Pisga yo ɔ yi mi. Lejɛ ɔ hu e puɛ bɔ sami la tɛ kpaago, nɛ e sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.

Mose IV, 23:29

Balaam de Balak ke, “Moo puɛ bɔ sami la tɛ kpaago ha mi ngɛ hiɛ ɔ, nɛ o ya hla na ku kpaago kɛ agbosu hu kpaago kɛ ba.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

2 Timoteo 4:14

Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

Hebribi 10:4

Ejakaa na muɔ, kɛ to muɔ be nyɛe ma je yayami gblegbleegble.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Yakobo 5:14

Ke nyɛ ti nɔ ko be he wami ɔ, e ha nɛ a tsɛ asafo ɔ mi nikɔtɔma amɛ kɛ ba; a sɔle ha lɛ, nɛ a pɔ lɛ nu ngɛ Nyɔmtsɛ ɔ biɛ mi.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

1 Yohane 5:6

Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Samuel I, 25:35

Kɛkɛ nɛ David he nike ní ɔ ngɛ e dɛ, nɛ e de lɛ ke, “Koo ye gbeye; moo kpale kɛ ho we mi ya. Nɔ́ nɛ o ngɛ hlae ɔ, ma pee ha mo.”