Hiob 42:5 - BAIBLO ALOO NGMAMI KLƆUKLƆU Ɔ

⁵ Jamɛ a be ɔ, níhi nɛ nihi de mi ngɛ o he kɛkɛ lɛ i le, se amlɔ nɛ ɔ lɛɛ i na mo paa kɛ imi nitsɛ ye hɛngmɛ.

Hiob 42:5 ပူးပေါင်းရင်းမြစ်များ

Romabi 10:17

Lɔ ɔ ji kaa ja a fiɛ Kristo he sane ɔ loko nɔ ko maa nu. Nɛ ja nɔ ko nu sane ɔ loko e ma he ye.

Yohane 12:45

Nɔ tsuaa nɔ nɛ na mi ɔ, e na nɔ nɛ tsɔ mi ɔ.

Yohane 12:41

Yesaya de enɛ ɔ, ejakaa e na Yesu hɛ mi nyami ɔ ngɛ e hɛ mi lokoo, nɛ e tu he munyu.

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.

Hiob 33:16

Jamɛ a be ɔ, e bliɔ nimli adesahi a tue, konɛ a nu nɔ́ nɛ e ngɛ mɛ dee ɔ. Ke e bɔ mɛ kɔkɔ ɔ, a yeɔ gbeye.

Hiob 4:12

Nɔ ko ju si ba tu mi munyu ko zaa ngɛ ablɛgbi mi be ko.

Hiob 28:22

Gbenɔ kɛ hɛ mi kpatami po de ke, “Oo, e biɛ kɛkɛ lɛ wa nu kɛ wa tue.”

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

Habakuk 3:2

“Yawɛ lee, i nu nɔ́ nɛ o pee ɔ he, nɛ e ha nɛ i ye mo gbeye. Ní nguanguahi nɛ o tsu blema a, mo tsu ekohu wa yi nɔ nɛ ɔ. Ke o mi mi fu po, moo na mɔbɔ.