Hiob 42:2 - BAIBLO ALOO NGMAMI KLƆUKLƆU Ɔ

² Yawɛ, i le kaa he walɔ kpetekpleenyɛ ji mo; o nyɛɔ nɛ o peeɔ nɔ́ tsuaa nɔ́ nɛ o suɔ.

Hiob 42:2 ပူးပေါင်းရင်းမြစ်များ

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Hiob 23:13

Mawu ɔ, bɔ nɛ e ngɛ ɔ, jã kɛ̃ e ngɛ; e tsakee we. Nɔ́ nɛ e suɔ ɔ, lɔ ɔ e peeɔ. Mɛnɔ ma nyɛ ma tsake e yi mi tomi?

Hiob 42:1

Kɛkɛ nɛ Hiob he nɔ nɛ e kɛ Yawɛ tu munyu.

La 135:6

Hiɔwe ɔ jio, zugba a nɔ jio, wo ɔ mi jio, muɔ voovoo ɔmɛ a mi jio, nɔ́ tsuaa nɔ́ nɛ́ Yawɛ suɔ ɔ, lɔ ɔ e peeɔ.

La 139:2

Ye si himi, kɛ ye si temi tsuo o le, ye yi mi tomi tsuo pɛpɛɛpɛ, o le momo.

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

Fiɛlɔ 3:14

I le kaa nɔ́ tsuaa nɔ́ nɛ Mawu pee ɔ maa hi si kɛ ya neneene; a be nyɛe nɛ a ngɔ nɔ́ ko kɛ piɛ he, loo a je nɔ́ ko ngɛ mi. Mawu lɛ pee jã, konɛ a ye lɛ gbeye.

Yesaya 14:27

Yawɛ Tabohiatsɛ ɔ pee e yi mi kaa e ma tsu nɔ́ nɛ ɔ; e wo e kɔni nɔ momo ke e maa gbla a tue, nɛ nɔ ko nɔ ko be nyɛe maa tsi e nya.

Yesaya 43:13

Imi ji Mawu, nɛ i ngɛ daa. Nɔ ko nɔ ko be nyɛe ma je e he kɛ je ye dɛ mi. Ke i pee nɔ́ ko ɔ, mɛnɔ ma tsake?”

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Ezekiel 38:10

Bɔ nɛ Nyɔmtsɛ Yawɛ ngɛ Gog dee ji nɛ ɔ nɛ: “Ke jamɛ a be ɔ su ɔ, susumi slɔɔtoslɔɔtohi maa ba o yi mi, se ga yaya mohu o maa to.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Mateo 19:26

Yesu hyɛ mɛ too, nɛ e de mɛ ke, “Nimli be nyɛe maa pee enɛ ɔ; se Mawu lɛɛ e nyɛɔ peeɔ nɔ́ tsuaa nɔ!”

Marko 10:27

Yesu hyɛ a hɛ mi too nɛ e de mɛ ke, “Nimli a blɔ fa mi ɔ, a be nyɛe maa pee, ja ngɛ Mawu blɔ fa mi; ejakaa Mawu blɔ fa mi lɛɛ a nyɛɔ níhi tsuo peeɔ.”

Marko 14:36

E de ke, “Tsaatsɛ! O nyɛɔ níhi tsuo peeɔ! I kpa mo pɛɛ, je amanehlu kplu nɛ ɔ kɛ ho; se kɛ̃ ɔ, pi bɔ nɛ i suɔ, se bɔ nɛ mo o suɔ.”

Luka 18:27

Yesu he nɔ ke, “Nɔ́ nɛ adesa nyɛ we peemi ɔ, Mawu lɛɛ e nyɛɔ peeɔ.”

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.