Hiob 42:11 - BAIBLO ALOO NGMAMI KLƆUKLƆU Ɔ

¹¹ Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

Hiob 42:11 ပူးပေါင်းရင်းမြစ်များ

Hiob 2:11

Amanehlu nɛ ba Hiob nɔ ɔ, e huɛmɛ etɛ komɛ nu he, nɛ a je he slɔɔtohi kɛ ba konɛ a ba ye lɛ kɔmɔ nɛ a wo lɛ bua. Huɛmɛ ɔmɛ ji Elifaz nɛ je Teman ma a mi, Bildad nɛ je Shua zugba a nɔ, kɛ Zofar nɛ je Naama zugba a nɔ.

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Mose I, 24:22

Benɛ afukpɔngɔ ɔmɛ nu nyu ɔ ta a, nyumu ɔ je sika tsu ga ko nɛ he jua wa kpo, nɛ e kɛ wo Rebeka gugwɔ mi. E kɛ sika tsu kɔni si ga agboagbo enyɔ hu wo Rebeka kɔni si.

Hebribi 12:12

Lɔ ɔ he ɔ, nyɛ ninehi nɛ mi jɔ, kɛ nakutsohi nɛ ngɛ kpokpoe ɔ, nyɛ wlua nyɛ, nɛ nyɛ nɔ gbagba nɛ te.

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Hiob 16:5

Jinɛ ma wo nyɛ ga, nɛ ma tu munyu kɛ wo nyɛ bua.

Hiob 4:4

Nɔ nɛ miɔ nɛ e maa nɔ si ɔ, o munyu ɔ nuɔ lɛ kɛ daa si ekohu. Nakutsohi nɛ gbɔjɔ ɔ, o woɔ mɛ he wami, nɛ a teɔ si ekohu.

Samuel I, 10:27

Se yaka nimli komɛ bi ke, “Kɛ nɔmlɔ nɛ ɔ maa pee kɛ he wa yi wami kɛɛ?” A gbe e he guɛ, nɛ mɛɛ a ya ki lɛ ní. Se Saul pui a nya mi.

Yoshua 24:32

A pu Yosef wuhi nɛ Israel bi ɔmɛ ngɔ kɛ je Egipt kɛ ba a ngɛ Shekem, ngɛ zugba ko nɛ Yakob he ɔ mi. E he zugba nɛ ɔ kɛ sika hiɔ kpɔ lafa ngɛ Shekem tsɛ, Hamor bimɛ ɔmɛ a dɛ. Zugba nɛ ɔ ba pee Yosef nina a weto ní.

Mose I, 37:35

Yakob binyumu ɔmɛ, kɛ e biyi ɔmɛ tsuo ba ba wo lɛ bua, se e kplɛɛ we. E de ke, “Ma ye kɔmɔ hluu kɛ yaa si gbeje.” Nɛ e tsa nɔ nɛ e ye kɔmɔ ha e bi Yosef ɔ.

Mose I, 24:53

Lɔ ɔ se ɔ, e je sika hiɔ, sika tsu, june níhi, kɛ tadehi kpo, nɛ e kɛ ha Rebeka. Jehanɛ, e ha Rebeka nyɛminyumu ɔ, kɛ e nyɛ hu nike níhi nɛ a he jua wa.

Yohane 11:19

lɔ ɔ he ɔ, Yuda bi babauu ba Marta kɛ Maria a ngɔ, konɛ a ba ye mɛ kɔmɔ ngɛ a nyɛminyumu ɔ gbenɔ ɔ he.

Abɛ Womi 14:20

Ohiatsɛ ɔ, e nyɛmi tete po sume lɛ. Se niatsɛ lɛɛ e ngɛ huɛmɛ babauu.