Hiob 40:9 - BAIBLO ALOO NGMAMI KLƆUKLƆU Ɔ

⁹ Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

Hiob 40:9 ပူးပေါင်းရင်းမြစ်များ

Hiob 23:6

Anɛ Mawu kɛ mi maa to ní ngɛ e he wami kpetekpleenyɛ ɔ nya lo? Dɛbi, e maa bu mi tue kɛ̃.

Hiob 37:2

Nyɛɛ bu tue! Mawu wo gbi, nyɛɛ bu tue; nyɛɛ bu hoo nɛ ngɛ pɛe kɛ je e nya mi ɔ tue.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 29:3

Yawɛ gbi ngɛ pɛe ngɛ wo ɔ mi. Mawu nɛ e hɛ mi ngɛ nyami ɔ wo gbi, nɛ e pɛ ngɛ wo ɔ nɔ he tsuaa he.

La 29:4

Yawɛ gbi ɔ, he wami ngɛ mi. Yawɛ gbi ɔ, hɛ mi nyami ngɛ mi.

La 89:10

Rahab, wo mi lohwe ɔ nɛ he ngɛ gbeye ɔ, mo lɛ o kpata e hɛ mi pɛsɛpɛsɛ. O kɛ o he wami kpetekpleenyɛ ɔ ye o he nyɛli ɔmɛ a nɔ kunimi.

La 89:13

He walɔ kpetekpleenyɛ ji mo; o he wami ɔ kle!

La 98:1

Nyɛ la la he ha Yawɛ, ejakaa e pee nyakpɛ níhi. E ngɔ lɛ nitsɛ e he wami kpetekpleenyɛ nɛ ngɛ klɔuklɔu ɔ kɛ ye kunimi ha e he.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

Yeremia 50:24

Babilonia, o kɛ imi, Yawɛ hwu ta. Nɛ klama nɛ i tsɔ mo ɔ, o du klama a; ejakaa o li tete kaa i tsɔ mo klama ko.

Ezekiel 10:5

A nu kerub ɔmɛ a pɛli ɔmɛ a he ngɛ agbo nya kue ɔ mi tɔɔ kaa Mawu Ope ɔ nitsɛ nɛ ngɛ munyu tue.

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Yoshua 4:24

Enɛ ɔ ma ha je ɔ tsuo maa na Yawɛ he wami ɔ, nɛ nyɛ maa ye Yawɛ, nyɛ Mawu ɔ gbeye daa.”