Hiob 40:8 - BAIBLO ALOO NGMAMI KLƆUKLƆU Ɔ

⁸ Anɛ o ngɛ hlae nɛ o bu mi fɔ kaa i yi dami sane, konɛ moo lɛɛ o wo o he nguɔ kaa o nɔ́ da lo?

Hiob 40:8 ပူးပေါင်းရင်းမြစ်များ

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

Hiob 10:7

O le kaa i yi fɔ, nɛ nɔ ko hu be nɛ ma kpɔ mi kɛ je o dɛ mi.

Hiob 13:18

Jehanɛ, i dla ye he konɛ ma jaje ye sane ɔ, ejakaa i le kaa i yeɔ nguɔ.

Hiob 16:11

Mawu ngɔ mi ngɔ ha nihi nɛ li Mawu; e ngɔ mi ngɔ wo yiwutsotsɛmɛ a dɛ mi.

Hiob 19:6

Se nyɛ li kaa Mawu lɛ pee nɔ́ nɛ ɔ lo? Lɛ nɛ tsɔ klama kɛ bɔle mi kɛ kpe.

Hiob 32:1

Jehanɛ lɛɛ nyumuhi etɛ nɛ ɔmɛ ha we Hiob e munyu ɔmɛ a heto hu, ejakaa a na kaa e buu e he kaa nɔmlɔ nɛ da.

Hiob 32:2

Kɛkɛ nɛ Elihu mi mi fu Hiob wawɛɛ nitsɛ kaa e pia Mawu, nɛ e wo lɛ nitsɛ e he nguɔ. (Elihu nɛ ɔ, Buz no ɔ nɛ a tsɛɛ lɛ Barakel ɔ binyumu ji lɛ. E je Ram weku ɔ mi, nɛ lɛɛ e bee ngɛ lejɛ ɔ kɛkɛ.)

Hiob 34:17

Nɔ nɛ he wa nɛ e yeɔ dami sane ɔ, o maa bu lɛ fɔ, konɛ nɔ nɛ sume dami sane yemi ɔ mohu nɛ ye tsɛ lo?

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Yesaya 14:27

Yawɛ Tabohiatsɛ ɔ pee e yi mi kaa e ma tsu nɔ́ nɛ ɔ; e wo e kɔni nɔ momo ke e maa gbla a tue, nɛ nɔ ko nɔ ko be nyɛe maa tsi e nya.

Yesaya 28:18

Ke e ba mi ja a, somi ɔ nɛ nyɛɛ kɛ gbenɔ so ɔ, a maa po mi; nɛ a maa gbɛ kake peemi nɛ ngɛ nyɛɛ kɛ gbeje nyɛ kpɛti ɔ. Haomi nɛ maa ba a, nyɛ be nya nyɛe maa da.

Yesaya 43:26

“Mo kai mi, konɛ waa hla mi. Moo jaje o sane ɔ koo, konɛ waa hyɛ nɔ nɛ nɔ́ da!

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Romabi 3:4

Dɛbi! Mawu ɔ, anɔkualetsɛ ji lɛ; pohu nimli adesahi tsuo lɛɛ lakpa a yeɔ. Kaa bɔ nɛ ngmami ɔ deɔ ɔ, “Konɛ nihi tsuo nɛ a na kaa nɔ́ tsuaa nɔ́ nɛ o deɔ ɔ ngɛ mi; Nɛ ke a kojo mo hu, o yeɔ nguɔ.”

Galatabi 3:15

Ye nyɛmimɛ, i suɔ kaa ma ha nyɛ nɔ hyɛmi nɔ́ ko kɛ je wa je mi si himi mi. Ke ni enyɔ ma nɔ́ ko nya si, nɛ a pee womi ngɔ fɔ nɔ ɔ, nɔ ko nɔ ko be nyɛe maa po mi, loo e maa ngɔ nɔ́ kpa ko ngɔ piɛ he.

Galatabi 3:17

Nɔ́ nɛ i ngɛ tsɔɔe ɔ ji kaa Mawu kɛ Abraham so, nɛ e wo si ke e maa ye nɔ. Mlaa a nɛ a wo jeha lafa eywiɛ kɛ nyingmi etɛ se ɔ be nyɛe maa po jamɛ a somi ɔ, kɛ si nɛ Mawu wo ɔ mi.

Hebribi 7:18

Lɛɛ mlaa momo ɔ nɛ he wami be mi, nɛ he be se nami hulɔ ɔ, a po mi.