Hiob 4:7 - BAIBLO ALOO NGMAMI KLƆUKLƆU Ɔ

⁷ Susu o yi mi! Anɛ o le nɔ ko nɛ pee we yayami nɛ e hɛ mi kpata lo? Anɛ o le dalɔ ko nɛ a gbe lɛ yaka gu lo?

Hiob 4:7 ပူးပေါင်းရင်းမြစ်များ

La 37:25

Kɛ je ye nihe be mi kɛ ba si ye wami si nɛ ɔ, i nɛ kaa Yawɛ kua nɔ ko nɛ peeɔ nɔ nɛ da. E bimɛ hu, i nɛ kaa a ngɛ ní bae.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

Hiob 36:7

Mawu hɛngmɛ ngɛ dali a he be tsuaa be. E hyɛɛ a nɔ kaa matsɛmɛ, nɛ e woɔ a hɛ mi nyami daa.

Ni Tsumi 28:4

Benɛ lejɛ ɔ bi ɔmɛ na lohwe ɔ nɛ kplaa si ngɛ Paulo nine he ɔ, a de a he ke, “Nyumu nɛ ɔ, nɔmlɔ gbelɔ ji lɛ. E ná je osla mi ngɛ wo ɔ mi lɛɛ, se loloolo ɔ, e sɛsɛɛ ngmɛ́ lɛ blɔ kaa e hi je mi.”

Hiob 8:20

Nɔ nɛ peeɔ nɔ́ nɛ da a, Mawu be lɛ kuae. Mawu be nimli yayamihi a he piɛe kɔkɔɔkɔ.

Fiɛlɔ 7:15

Ye wami be ɔ he be se nami ko lɛɛ, se níhi tsuo nɛ ngɛ mi ɔ, i le. E pɔɔ mi bami kaa dalɔ hɛ mi kpataa, be mi nɛ yayami peelɔ mohu wami se kɛɔ.

Hiob 36:6

E ha we nɛ yayami peeli a se kɛɛ ngɛ je mi; e yeɔ ohiatsɛmɛ a sane kɛ haa mɛ.