Hiob 4:6 - BAIBLO ALOO NGMAMI KLƆUKLƆU Ɔ

⁶ Tse o jaa Mawu! Anɛ lɔ ɔ wui mo bua lo? O peeɔ nɔ́ nɛ da blɔ! Anɛ lɔ ɔ ha we mo hɛ nɔ kami lo?

Hiob 4:6 ပူးပေါင်းရင်းမြစ်များ

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

Hiob 16:17

Se i yi nɔ ko amimi; i faa kue haa Mawu kɛ jeɔ ye tsui mi.

Hiob 17:15

Jije hɛ nɔ kami pa ngɛ ha mi? Mɛnɔ lɛ maa na jamɛ a hɛ nɔ kami ɔ?

La 26:1

Yawɛ, wo mi nguɔ, ejakaa i peeɔ nɔ́ nɛ da; i ngɔ ye hɛ kɛ fɔ o nɔ kulaa.

La 27:3

Ke ta ba tua mi, nɛ tabohi ba sa ye yi po, i be gbeye yee. Mawu nɔ kɛkɛ lɛ ma ngɔ ye hɛ kɛ fɔ.

Abɛ Womi 14:26

Nɔ nɛ yeɔ Yawɛ gbeye ɔ, e kɛ e bimɛ tsuo hiɔ si ngɛ he jɔmi mi.

Abɛ Womi 3:26

Yawɛ maa bu o he. E be blɔ ngmɛe nɛ o ya du klama.

Yesaya 33:6

nɛ ma a maa ya nɔ saminya. E buu e ma a he be tsuaa be; nɛ e haa ma mi bi ɔmɛ juɛmi kɛ nile. Yawɛ gbeye yemi ji nɔ́ ko nɛ he jua wa saminya kaa juetli agbo ha mɛ.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

1 Petro 1:17

Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.