Hiob 4:3 - BAIBLO ALOO NGMAMI KLƆUKLƆU Ɔ

³ O tsɔɔ nihi babauu ní. Ni nɛmɛ nɛ a nine mi je wu hu, o wo mɛ he wami.

Hiob 4:3 ပူးပေါင်းရင်းမြစ်များ

Yesaya 35:3

Ninehi nɛ pɔ tɔ mɛ ɔ, nyɛɛ wo mɛ he wami; nɛ nakutsohi nɛ gbɔjɔ ɔ, nyɛ ha nɛ a da si kpɛii.

Hebribi 12:12

Lɔ ɔ he ɔ, nyɛ ninehi nɛ mi jɔ, kɛ nakutsohi nɛ ngɛ kpokpoe ɔ, nyɛ wlua nyɛ, nɛ nyɛ nɔ gbagba nɛ te.

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Abɛ Womi 10:21

Nimli kpakpahi a nya mi munyu he baa se nami ha nihi babauu. Kuasiahi lɛɛ a hɛ mi kpataa, ejakaa a be juɛmi.

Hiob 16:5

Jinɛ ma wo nyɛ ga, nɛ ma tu munyu kɛ wo nyɛ bua.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Luka 22:43

Kɛkɛ nɛ bɔfo ko je hiɔwe ba je e he kpo tsɔɔ lɛ, nɛ e wo lɛ he wami.

Mose V, 3:28

Wo Yoshua mlaa, nɛ o wo lɛ kã kɛ he wami; ejakaa lɛ ji nɔ nɛ maa nyɛɛ ma a hɛ mi kɛ po pa a kɛ ya ngɔ zugba a nɛ o ngɛ hyɛe ɔ.’

Ezekiel 13:22

“Ejakaa dalɔ nɛ i sume kaa e ye aywilɛho ɔ, nyɛ ngɔɔ nyɛ lakpa munyu ɔmɛ kɛ yeɔ e tsui. Se nyɛ woɔ yayami peelɔ mohu he wami konɛ e ko kpa yayami peemi, nɛ a ko he e yi wami.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Abɛ Womi 16:21

Nɔ nɛ nuɔ nɔ́ sisi ɔ, ní lelɔ ji lɛ. E kɛ munyu blɛuu gblaa nihi a juɛmi se kɛ baa anɔkuale ɔ he.

Abɛ Womi 15:7

Ní leli a nya lɛ gbɛɔ nile kɛ fĩaa; pi kuasiahi a juɛmi.

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Hiob 4:4

Nɔ nɛ miɔ nɛ e maa nɔ si ɔ, o munyu ɔ nuɔ lɛ kɛ daa si ekohu. Nakutsohi nɛ gbɔjɔ ɔ, o woɔ mɛ he wami, nɛ a teɔ si ekohu.

Hiob 29:11

Ke nihi nu ye he ɔ, a jeɔ ye yi, nɛ ke a na mi ɔ, a tuɔ ye he munyu kpakpa.

Hiob 29:15

I plɛ pee hɛngmɛ ha hɛ yuyuili, kɛ nane ha glɔtsɛmɛ.

Hiob 29:16

I pee kaa tsɛ kɛ ha dɛgutsɛmɛ, nɛ nihi nɛ i li mɛ po, i ye a sane ha mɛ.

Hiob 29:21

Ke i ngɛ nihi ga woe ɔ, a peeɔ dii nɛ a buɔ nɔ́ nɛ i ngɛ dee ɔ tue.

Zefania 3:16

Be ma, nɛ a ma de Yerusalem ke, “Zion, koo ye gbeye! O kɔni nɛ ko gbo!