Hiob 4:11 - BAIBLO ALOO NGMAMI KLƆUKLƆU Ɔ

¹¹ A gboɔ kaa jata nɛ nɛ lohwe nɛ e gbe nɛ e ye, nɛ a bimɛ ɔmɛ tsuo gbɛɛ kɛ fĩaa.

Hiob 4:11 ပူးပေါင်းရင်းမြစ်များ

Mose I, 49:9

Yuda ngɛ kaa jata nɛ ya ye de lo nɛ e kpale ba ba buu si, ngɛ e he jɔɔe; mɛnɔ ma nyɛ maa tsɛ̃ɛ̃ lɛ?

Hiob 1:19

Tlukaa a, kɔɔhiɔ nɛ nya wa hia kɛ je nga a nɔ blɔ kɛ ba na tsu ɔ kɔ nya eywiɛ ɔmɛ tsuo, nɛ tsu ɔ hule ngɔ pue nihewi ɔmɛ, kɛ yihewi ɔmɛ a nɔ, nɛ mɛ tsuo a gbo. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Hiob 20:10

Níhi nɛ e ju ngɛ ohiatsɛmɛ a dɛ ɔ, e bimɛ maa kpale kɛ ha mɛ ekohu.

Hiob 29:17

I ku yiwutsotsɛmɛ a tsitsa, nɛ i kpɔ nihi nɛ a ngɛ yi mi wae ɔ kɛ je a nya mi.

Hiob 38:39

Mo lɛ o haa jata niye ní nɛ e yeɔ lo? Mo lɛ o haa jata bimɛ ní nɛ a yeɔ nɛ a tɔɔ,

Hiob 5:15

Se Mawu heɔ ohiatsɛ yi wami kɛ jeɔ gbenɔ mi. E jeɔ nɔ nɛ e fí lɛ ɔ kɛ jeɔ yiwutsotsɛ dɛ mi.

Hiob 5:4

A bimɛ ɔmɛ be he jɔmi nae. Ke a kɛ mɛ ya kojomi he ɔ, nɔ ko nɔ ko be a he fae.

La 34:10

Jata bihi po e fiɔ mɛ nɛ hwɔ yee mɛ. Se nihi nɛ hlaa Yawɛ se blɔ ɔ, nɔ́ ko nɔ́ ko hia we mɛ.

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

La 7:2

Ke pi ja a, a maa gbla mi kɛ ya he nɛ nɔ ko be nɛ maa je ngmlaa ha mi. Lejɛ ɔ lɛ a ma ya tsɔtslɔɔ mi ngɛ kaa bɔ nɛ jata peeɔ ɔ.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Hosea 11:10

“Ke i huã kikɛ nɛ ɔ kaa jata a, ye ma a maa nyɛɛ ye se. A he maa sɔ kɛ maa je bonyoku je kɛ ba.

Mose IV, 23:24

Israel ma a ngɛ kaa jata katsɛ; e bu we si, nɛ e jɔɔ we e he, ja e ye de lo ɔ tsuatsuaatsua, nɛ e nu lohwe nɛ e gbe ɔ muɔ lolo.”

Mose IV, 24:9

E bua e he nya, nɛ e buu si kaa jata ku; Ee e buu si kaa jata yo. Mɛnɔ ma nyɛ maa tsɛɛ lɛ? Nɔ tsuaa nɔ nɛ gbaa mo ɔ, a maa gbaa lɛ; Nɔ tsuaa nɔ nɛ gbiɛɛ mo ɔ, a maa gbiɛ lɛ.”

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.