Hiob 39:6 - BAIBLO ALOO NGMAMI KLƆUKLƆU Ɔ

⁶ Imi lɛ i ha mɛ nga kplanaa a, nɛ a kɛ pee a hi he, kɛ ngo zugba a hulɔ, konɛ a hi lejɛ ɔ.

Hiob 39:6 ပူးပေါင်းရင်းမြစ်များ

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

Yeremia 17:6

E ngɛ kaa tso nɛ ba be yi mi ngɛ nga kplanaa nɔ, tso nɛ ngɛ nga nɔ he nɛ gbli keketee, tso nɛ ngɛ ngo zɔ̃ zugba nɔ, he nɛ nɔ́ ko nɔ ko puɛ́ ngɛ. Nɔmlɔ kaa kikɛ nɛ ɔ be nɔ́ kpakpa ko nae gblegbleegble!

Yeremia 2:24

O ngɛ kaa nga mi teji yo nɛ nu nyumu he fu; mɛnɔ ma nyɛ maa tsi e nya? E hia we kaa nyumu nɛ hao e he kɛ ya hla lɛ; ke fiɛmi be ɔ su kɛkɛ o maa na lɛ.

Hiob 24:5

Enɛ ɔ he je ɔ, ohiatsɛmɛ ɔmɛ ya hlaa niye ní ngɛ nga kplanaa a nɔ kɛ haa a bimɛ, kaa bɔ nɛ nga mi tejihi ya nuɔ lohwe ngɛ pu mi ba haa a bimɛ ɔ.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Hosea 8:9

Israel ma a tue wa kaa nga mi teji nɛ ngɛ si kpae. A ho ya bi Asiria bi yemi kɛ buami, nɛ a ya bɔ ma kpahi hu apaa ke a ba piɛ a he.

Ezekiel 47:11

Se taku ɔmɛ, kɛ mɔsɔ ɔmɛ lɛɛ a be tsakee; a maa nɔ ngo.

Hiob 39:7

A sume ma nguahi a mi he nɛ huhui ngɛ; a hla we nɛ nɔ ko nɛ jɔɔ a kã he nɛ a tsu ní ha lɛ.

Yeremia 14:6

Nga mi gbe ɔmɛ ya kuɔɔ yoku kpataa amɛ nɛ a hii kɔɔhiɔ mi fue kaa bɔ nɛ ogbeteehi peeɔ ɔ, hluu kɛ ya siɔ a hɛngmɛhi a nɔ peeɔ tsuu, ejakaa niye ní be a dɛ.