Hiob 38:5 - BAIBLO ALOO NGMAMI KLƆUKLƆU Ɔ

⁵ Je ɔ kami kɛ e blimi ɔ, mɛnɔ lɛ tsɔɔ? Mɛnɔ lɛ fɔ kpa kɛ susu? Tse o ma nyɛ ma ha heto!

Hiob 38:5 ပူးပေါင်းရင်းမြစ်များ

Hiob 11:9

Ke a susu Mawu he wami kaa bɔ nɛ a kɛ kpa susuɔ nɔ́ ɔ, Mawu he wami ka pe je ɔ, nɛ e bli pe wo.

Hiob 28:25

Benɛ Mawu susu kɔɔhiɔ jiimi, kɛ he nɛ wo ɔ yi ma bli kɛ ya su ɔ,

Hiob 34:13

Mɛnɔ nɛ ha Mawu e he wami ɔ? Mɛnɔ nɛ tu je ɔ tsuo kɛ wo e dɛ mi?

La 19:4

Se kɛ̃ ɔ, a nuɔ a he ngɛ je ɔ mi tsuo; a munyu ɔ pɛɛ kɛ yaa je mi nyagbe he tɔɔ. Mawu pee sihi he ha pu ngɛ hiɔwe.

La 78:55

E fie ma je li ɔmɛ kɛ je Israel bi ɔmɛ a blɔ mi. E dla a zugba a ngɔ ha e ma a, nɛ lejɛ ɔ ba pee a weto ní, kɛ a hi he.

Abɛ Womi 8:27

Benɛ e ngɔ hiɔwe kɛ to e blɔ he, nɛ e pee hiɔwe kɛ zugba a kpe he ɔ, jamɛ a be ɔ, i ngɛ lejɛ ɔ.

Abɛ Womi 8:29

Benɛ e fa wo ɔ ke wo nyu ɔ ko be e huzu ɔ he ɔ, i ngɛ lejɛ ɔ. Benɛ e to je ɔ sisi ɔ, jamɛ a be ɔ, i ngɛ lejɛ ɔ.

Yesaya 34:11

Se kayo, kɛ kɔtɔkɔ maa ngɔ lejɛ ɔ ngɔ pee a nɔ́; nɛ klomi kɛ kuakualabite maa hi lejɛ ɔ. Yawɛ ma ha zugba a nɔ maa je gu kulaa kaa bɔ nɛ e ngɛ be nɛ a bɔ je ɔ.

Yesaya 40:12

Mɛnɔ lɛ hɛɛ nyu tsuo nɛ ngɛ wo mi ɔ ngɛ e dɛ kɔkɔ mi hyɛ? Mɛnɔ lɛ ngɔ e nine mi blimi kɛ susu hiɔwe hyɛ? Mɛnɔ lɛ ngɔ je nɛ ɔ mi tabo zu tsuo kɛ wo kplu mi hyɛ? Loo e ngmɛ yo ɔmɛ, kɛ yoku ɔmɛ ngɛ sɛni nɔ hyɛ?

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

2 Korintobi 10:16

Jamɛ a be ɔ, wa ma nyɛ maa fiɛ sane kpakpa a ngɛ ma kpahi a nɔ ngɛ Korinto se je lokoo. Kɛkɛ ɔ, he ko nɛ nɔ ko ya tsu ní ngɛ momo ɔ, wɔɔ wa be yae, konɛ wɔ mohu wa ko ba na yi jemi.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.