Hiob 38:28 - BAIBLO ALOO NGMAMI KLƆUKLƆU Ɔ

²⁸ Hiɔmi nɛ nɛɛ ɔ, e ngɛ tsɛ lo? Bɔ́ hu, mɛnɔ lɛ fɔ lɛ?

Hiob 38:28 ပူးပေါင်းရင်းမြစ်များ

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

La 147:8

Lɛ nɛ e ngɔɔ bɔku kɛ haa hiɔwe, nɛ e haa hiɔmi nɛɛ kɛ pueɔ zugba a nɔ, nɛ nga mumu puɛɔ ngɛ yo ɔmɛ a nɔ.

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Amos 4:7

Yawɛ ke, “Benɛ e piɛ nyɔhiɔ etɛ nɛ a ma kpa nyɛ ngmɔ niba ní ɔ, i tsi hiɔmi nya. I ha nɛ hiɔmi nɛ ngɛ ma ko mi, se ma kpa ko mi lɛɛ e nɛ́. Hiɔmi nɛ ngɔ pue ngmɔ ko nɔ, se ngmɔ ko lɛɛ e nɔ gbli.

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Hosea 14:5

Ma ha Israel ma a ma plɔke plɔplɔɔplɔ kaa zugba gbigbli nɛ hiɔmi nɛ pue nɔ.

Yeremia 10:13

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yeremia 5:24

Nyɛ susuu we hyɛ kaa e sa kaa nyɛɛ wo imi Yawɛ, nyɛ Mawu ɔ, ye hɛ mi nyami: imi nɛ i haa nɛ gbo kɛ gbiɛ nyu nɛɛ ha nyɛ ngɛ be nɛ sa mi, nɛ i haa nɛ nyɛ kpaa ní daa jeha a!

Abɛ Womi 3:20

E nile ɔ nɛ ha nɛ pa amɛ hia; lɛ nɛ ha nyu je bɔku ɔmɛ a mi pue zugba.

Hiob 38:8

Benɛ wo ɔ hia kɛ ma babaaba kaa nɔ́ nɛ zugba a nitsɛ mi mi lɛ e je ɔ, mɛnɔ lɛ nga sinya a kɛ tsi wo ɔ nya?

Hiob 29:19

I ngɛ kaa tso nɛ sipoku naa nyu be tsuaa be, nɛ bɔ́ pɔɔ e kɔnihi a he daa.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Samuel II, 1:21

Nyɛ Gilboa yohi, bɔ́, loo hiɔmi nɛ ko nɛ ngɛ nyɛ nɔ; nyɛ ngmɔ ko ngmɔ ko nɛ kó ba ní. Ejakaa lejɛ ɔ nyɛ katsɛmɛ ɔmɛ a tsɛ̃i ɔmɛ a hɛ mi pue si ngɛ; Saul tsɛ̃i ɔ fɔɔ si nɛ a pɔɛ he nu hu!

Mose V, 33:28

Lɔ ɔ he ɔ, Yakob nina maa hi si ngɛ tue mi jɔmi mi; a nine maa su zugba kpakpa nɔ, he nɛ bɔ́ nɛɔ ngɛ, nɛ́ blɛfo kɛ wai baa saminya ngɛ.

Mose V, 33:13

Bɔ nɛ e gbaa Yosef wɛtso ɔ ji nɛ ɔ nɛ: “Mawu nɛ gbaa a zugba a; hiɔmi nɛ nɛ kɛ pue nɔ, nɛ a ná nyu kɛ je zugba a mi hulɔ.

Mose I, 27:39

Jehanɛ Isak de lɛ ke, “O maa hi zugba nɛ bɛ ní nɔ, Hiɔwe bɔ́ hu be nɛe ha mo.

Mose I, 27:28

Mawu nɛ ha mo bɔ́ kɛ je hiɔwe, nɛ o zugba a nɛ ba ní, nɛ o na blɛfo kɛ wai babauu.

Hiob 36:27

Mawu lɛ gblaa nyu kɛ jeɔ zugba, nɛ e haa nɛ e plɛɔ peeɔ hiɔmi nɛ nɛɛ.

Hiob 36:28

E haa nɛ hiɔmi nɛɛ babauu kɛ jeɔ bɔku mi kɛ pueɔ si ha nimli adesahi tsuo.