Hiob 38:1 - BAIBLO ALOO NGMAMI KLƆUKLƆU Ɔ

¹ Kɛkɛ nɛ Yawɛ kɛ Hiob tu munyu kɛ je kɔɔhiɔ nɛ nya wa mi.

Hiob 38:1 ပူးပေါင်းရင်းမြစ်များ

Hiob 40:6

Kɛkɛ nɛ Yawɛ kɛ Hiob tu munyu ekohu kɛ je kɔɔhiɔ nɛ nya wa mi.

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

Matsɛmɛ I, 19:11

Yawɛ de lɛ ke, “Jee kpo nɛ o ya da si ngɛ ye hɛ mi ngɛ yo ɔ nɔ.” Kɛkɛ nɛ Yawɛ ba be kɛ ho, nɛ e ha kɔɔhiɔ nɛ nya wa ba fia yo ɔ, nɛ e ywia tɛ sa amɛ, se Yawɛ be kɔɔhiɔ ɔ mi. Kɔɔhiɔ ɔ kpa fiami, nɛ zugba mimiɛ; se Yawɛ be zugba mimiɛmi ɔ mi.

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

Ezekiel 1:4

Ma wo ye yi nɔ ɔ, o nɛ ahumi nguaa ko nɛ hia kɛ je omleyi je kɛ ma. Oslabai ngɛ gbae nɔtonɔto kɛ ngɛ bɔku agbo ko mi jee. Hiɔwe ɔ nɛ bɔle bɔku ɔ tsuo ngɛ la pãe nylamnylam; nɔ́ ko ngɛ kpɛe kaa akɔblee ngɛ la a mi.

Hiob 37:9

Kɔɔhiɔ nɛ nya wa fiaa kɛ jeɔ leneyi je, nɛ fĩɛ nɛ nya wa jeɔ omleyi je kɛ baa.

Matsɛmɛ II, 2:1

Benɛ e piɛ bɔɔ nɛ Yawɛ maa ngɔ Eliya kɛ ho hiɔwe ya ngɛ lasiogblee mi ɔ, jamɛ a be ɔ, Eliya kɛ Elisha ngɛ nyɛɛe kɛ je Gilgal.

Hiob 37:14

Hiob, bu tue! Da si dii nɛ o susu Mawu nyakpɛ ní ɔmɛ a he.

Hiob 26:10

E po huzu ngɛ wo hɛ mi kɛ gba piani kɛ nyɔ a kpɛti.

Hiob 11:5

I na nɛ Mawu pa e nya mi nɛ e ha mo heto.

Hiob 40:1

Hiob, o ke o kɛ Mawu Ope ɔ maa hua munyu he. Anɛ o ma ha yi, aloo o maa ya nɔ? Ha mi heto!