Hiob 37:4 - BAIBLO ALOO NGMAMI KLƆUKLƆU Ɔ

⁴ Kɛkɛ ɔ, hiɔwe siɔ wawɛɛ kɛ nyɛɛɔ se. Jamɛ a be ɔ tsuo oslabai ɔ ngɛ la pae plamplam.

Hiob 37:4 ပူးပေါင်းရင်းမြစ်များ

La 68:33

nɔ nɛ ngɛ hiɔwe lokoo kɛ je blema teteete ɔ, nyɛ je e yi. Nyɛɛ bu e gbi nguaa nɛ ngɛ pɛe hoo ɔ tue.

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Hiob 37:2

Nyɛɛ bu tue! Mawu wo gbi, nyɛɛ bu tue; nyɛɛ bu hoo nɛ ngɛ pɛe kɛ je e nya mi ɔ tue.

Hiob 37:3

E haa oslabai gbaa ngɛ hiɔwe, nɛ e kpɛɔ ngɛ je ɔ kɔ nya he tsuaa he.

Hiob 37:5

Ke Mawu wo gbi kikɛ nɛ ɔ, e peeɔ ní nguahi nɛ wa juɛmi sui he.

Hiob 28:26

benɛ Mawu to he nɛ hiɔmi maa nɛ ngɛ, kɛ he nɛ hiɔwe ma si kɛ ya be ngɛ ɔ,

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

La 18:14

Ee, e tsɛ̃ e kɛ̃ɛ̃ mi bi ɔmɛ, nɛ e he nyɛli ɔmɛ gbɛ fĩa. E ha nɛ oslabai gba, nɛ a pee basaa.