Hiob 37:24 - BAIBLO ALOO NGMAMI KLƆUKLƆU Ɔ

²⁴ Enɛ ɔ he je ɔ, nihi tsuo yeɔ lɛ gbeye; ni nɛmɛ nɛ mɛɛ a buɔ a he ní leli ɔ, Mawu lɛɛ e bui mɛ fɛɛ.

Hiob 37:24 ပူးပေါင်းရင်းမြစ်များ

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

1 Korintobi 1:26

Ye nyɛmimɛ, nyɛ kai bɔ nɛ nyɛ ngɛ ha loko Mawu tsɛ nyɛ ɔ. Ngɛ he lo blɔ fa mi ɔ, nyɛ ti nihi bɔɔ pɛ ji ní leli, nihi bɔɔ pɛ ji nihi nɛ a he wa, nɛ bɔɔ pɛ ji odehehi.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Yesaya 5:21

Musu tloo nyɛ! Nyɛ susu kaa nyɛ hɛ mi tɛ, nɛ nyɛ le ní saminya.

La 130:4

Se o ngɔɔ yayami kɛ paa, konɛ a ye mo gbeye.

Hiob 5:13

Ke ní leli tsɔ nihi klama a, lɛ nɛ e haa klama amɛ fɛɔ yaka nɛ a puɛ we ní.

1 Korintobi 3:19

Ejakaa nɔ́ nɛ je ɔ buu kaa nile ɔ ji kuasia nɔ́ ko ngɛ Mawu lɛɛ e hɛ mi. Ngmami ɔ ke, “Mawu ngɔɔ nile kɛ tsɔɔ ní leli klama.”

Luka 10:21

Jamɛ a be ɔ, Mumi Klɔuklɔu ɔ ha Yesu na bua jɔmi, nɛ e de ke, “Tsaatsɛ, hiɔwe kɛ zugba Nyɔmtsɛ, i naa mo si kaa níhi nɛ o ngɔ kɛ laa ní leli ɔ, o je tsɔɔ ni guhi. Ee, Tsaatsɛ, nɔ́ nɛ sa o hɛ mi ɔ, lɔ ɔ o pee ɔ nɛ.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

Yeremia 32:39

Ma ha nɛ mɛ tsuo a maa pee a yi mi kake, nɛ a maa wo ye hɛ mi nyami daa. Ke a pee ja a, e maa hi ha mɛ nitsɛmɛ kɛ a nina.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

La 40:4

A gbaa nɔ nɛ ngɔɔ e hɛ kɛ fɔɔ Yawɛ nɔ, nɔ nɛ ya nyɛɛ we he nɔ woli a se, nɔ nɛ ya piɛ we amaga jali a he kɛ ja we lakpa mawuhi.

La 33:8

Je ɔ tsuo, nyɛɛ ye Yawɛ gbeye! Nyɛ nimli adesahi tsuo, nyɛɛ wo e hɛ mi nyami!

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Yona 1:16

Nɔ́ nɛ ɔ ha lɛ mi bi ɔmɛ ye Yawɛ gbeye wawɛɛ; lɔ ɔ he ɔ, a sã bɔ ha lɛ, nɛ a wo si kaa a ma sɔmɔ lɛ.