Hiob 37:23 - BAIBLO ALOO NGMAMI KLƆUKLƆU Ɔ

²³ Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 37:23 ပူးပေါင်းရင်းမြစ်များ

Hiob 11:7

Anɛ o ma nyɛ maa na Mawu níhi nɛ a mi kuɔ a nya kɛ pi si lo? Anɛ o ma nyɛ maa na Mawu Ope ɔ nya tami he lo?

Hiob 11:8

Mawu ngɛ hiɔwe se lokoo, se moo lɛɛ hiɔwe ɔ po o juɛmi sui he. Mawu le gbogboehi a je, se moo lɛɛ o li lejɛ ɔ.

Hiob 12:13

Se Mawu lɛɛ e nɔ́ ji nile, kɛ he wami; e ngɛ juɛmi, kɛ nɔ́ sisi numi.

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Hiob 36:26

Hyɛ, Mawu kle! Wa li lɛ kulaa; jeha nɛ e ye hu wa juɛmi sui he.

Hiob 36:3

Ma ngɔ ye nile nɛ hiɛ babauu ɔ kɛ tsɔɔ mo kaa Mawu nɛ bɔ mi ɔ, dalɔ ji lɛ.

Hiob 36:5

Mawu kle! E nyɛ́ nɔ. Nɔ́ ko nɔ́ ko be nɛ e juɛmi sui he.

Hiob 37:19

Hiob, moo tsɔɔ wɔ nɔ́ nɛ wa ma de Mawu. Wɔɔ lɛɛ wa juɛmi mi wo diblii, nɛ nɔ́ ko be wa nya mi nɛ wa ma de.

Hiob 37:22

Je mi tsɔ hleii kaa sika tsu ngɛ omleyi je; Mawu hɛ mi nyami ɔ ngɛ gbeye.

Hiob 8:3

Anɛ Mawu plɛɔ sane hɛ mi ngɔ buɔ si lo? Mawu Ope ɔ, anɛ e tsakeɔ nɔ́ nɛ da kɛ peeɔ nɔ́ nɛ dɛ lo?

Hiob 9:19

Ke a ngɛ nɔ nɛ he wa hlae ɔ, lɛ ji nɛ ɔ nɛ. Ke e ba lɛ dami sane yemi hu, mɛnɔ kɛ lɛ maa ba kojomi he ɔ?

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

La 30:5

E mi mi fuɔ be kuku kɛkɛ; se e mɔbɔ nami lɛɛ e ngɛ daa. O maa wo ya nyɔ mi, se ke je na pɛ bua jɔmi ba.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

La 62:12

E de hu ke lɛ Nyɔmtsɛ ɔ, e suɔmi ɔ ngɛ daa. Ee, mo Nyɔmtsɛ nitsɛ lɛ o woɔ nɔ tsuaa nɔ hiɔ bɔ nɛ sa e ní tsumi.

La 65:6

Mo nɔuu nɛ o ngɔ yo gojogojoo ɔmɛ ngɔ ma si kpɛii ngɛ o he wami kpetekpleenyɛ ɔ nya.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Fiɛlɔ 3:11

E peeɔ nɔ́ tsuaa nɔ́ saminyayoo ngɛ e be mi. E ha nɔmlɔ juɛmi nɛ e kɛ leɔ níhi nɛ be momo, kɛ níhi nɛ maa ba hwɔɔ se. Se kɛ̃ ɔ, lɛ Mawu ɔ ní tsumi kɛ je sisije kɛ ya si nyagbe ɔ, lɔ ɔ lɛɛ nɔmlɔ juɛmi sui he.

Fiɛlɔ 7:24

Kɛ nɔ ko maa pee kɛ le bɔ nɛ wami ngɛ ha kɛɛ? Mɛnɔ ma nyɛ? Wa juɛmi sui he.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Ezekiel 18:23

Bɔ nɛ Nyɔmtsɛ Yawɛ ngɛ bie ji nɛ ɔ nɛ: “Anɛ i naa yayami peelɔ ɔ gbenɔ he bua jɔmi lo?” “Dɛbi, nɔ́ nɛ i suɔ mohu ji kaa e maa kpale kɛ je e blɔ yayami ɔ nɔ, nɛ e yi nɛ na wami.

Ezekiel 18:32

Imi lɛɛ i sume kaa nyɛ gbo. Lɔ ɔ he ɔ, nyɛ kpa yayami peemi, konɛ nyɛ yi nɛ na wami.” Nyɔmtsɛ Yawɛ lɛ de.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

Hebribi 12:10

Wa tsɛmɛ ɔmɛ tsɔseɔ wɔ be bɔɔ ko kɛkɛ bɔ nɛ sa mɛɛ a hɛ mi; se Mawu lɛɛ e tsɔseɔ wɔ, bɔ nɛ pee nɛ e hi ha wɔ, nɛ wɔ hu waa pee klɔuklɔu kaa lɛ.