Hiob 37:2 - BAIBLO ALOO NGMAMI KLƆUKLƆU Ɔ

² Nyɛɛ bu tue! Mawu wo gbi, nyɛɛ bu tue; nyɛɛ bu hoo nɛ ngɛ pɛe kɛ je e nya mi ɔ tue.

Hiob 37:2 ပူးပေါင်းရင်းမြစ်များ

Samuel II, 22:14

Kɛkɛ nɛ Yawɛ si si ngɛ hiɔwe nɛ Hiɔwe No ɔ wo gbi.

Hiob 28:26

benɛ Mawu to he nɛ hiɔmi maa nɛ ngɛ, kɛ he nɛ hiɔwe ma si kɛ ya be ngɛ ɔ,

Hiob 36:29

Bɔ nɛ bɔku haa si, kɛ bɔ nɛ hiɔwe siɔ ngɛ lɛ Mawu ɔ e hi he ɔ, mɛnɔ lɛ le?

Hiob 36:33

Ke hiɔwe si ɔ, lɔ ɔ tsɔɔ kaa kɔɔhiɔ nɛ nya wa ma ngɛ se. Lohwehi tete po le enɛ ɔ.

Hiob 37:1

Nɔ́ nɛ ɔ ha ye tsui po, nɛ e ngɛ fiae kplakplaakpla.

Hiob 37:4

Kɛkɛ ɔ, hiɔwe siɔ wawɛɛ kɛ nyɛɛɔ se. Jamɛ a be ɔ tsuo oslabai ɔ ngɛ la pae plamplam.

Hiob 37:5

Ke Mawu wo gbi kikɛ nɛ ɔ, e peeɔ ní nguahi nɛ wa juɛmi sui he.

Hiob 38:1

Kɛkɛ nɛ Yawɛ kɛ Hiob tu munyu kɛ je kɔɔhiɔ nɛ nya wa mi.

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

La 104:7

Benɛ o wo gbi, nɛ hiɔwe si ɔ, a he sɔ kɛ je lejɛ ɔ.

Yeremia 51:16

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ haa nɛ afua teɔ si kɛ jeɔ zugba a nyagbe he ɔmɛ. E haa oslabai gbaa, be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.