Hiob 37:19 - BAIBLO ALOO NGMAMI KLƆUKLƆU Ɔ

¹⁹ Hiob, moo tsɔɔ wɔ nɔ́ nɛ wa ma de Mawu. Wɔɔ lɛɛ wa juɛmi mi wo diblii, nɛ nɔ́ ko be wa nya mi nɛ wa ma de.

Hiob 37:19 ပူးပေါင်းရင်းမြစ်များ

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

La 139:6

Bɔ nɛ o le mi fitsofitso ɔ ngɛ nyakpɛ tsɔ. Nile nɛ ɔ mi kuɔ pe bɔ nɛ ma nyɛ ma nu sisi.

La 73:22

i je kuasia; i li nɔ́ ko nɔ́ ko; i pee kaa lohwe ngɛ o hɛ mi.

Hiob 42:3

O bi ke kɛ peeɔ kɛɛ nɛ i biɔ sane nɛ kɔɔ mo o nile he, be mi nɛ imi lɛɛ i li nɔ́ ko nɔ́ ko ɔ? I tu níhi nɛ i nui sisi a he munyu; nyakpɛ níhi nɛ ye juɛmi sui a he.

Hiob 38:2

Mɛnɔ ji mo nɛ o kɛ munyu puu nɛ juɛmi be mi biɔ mi ye nile he sane?

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Hiob 13:6

Nyɛɛ bu ye sane ɔ tue, konɛ nyɛɛ na bɔ nɛ ma je ye nya ha.

Hiob 13:3

Imi lɛɛ Mawu Ope ɔ lɛ i kɛ na, se pi nyɛ; ma suɔ nɛ i kɛ lɛ wa hla níhi a nya.

Hiob 12:3

Se imi hu i ngɛ juɛmi kaa nyɛ nɔuu; nyɛ pi mi kɛ nɔ́ ko nɔ́ ko; níhi nɛ nyɛ ngɛ dee nɛ ɔ, mɛnɔ lɛ li?

Romabi 8:26

Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.

Hiob 9:14

Lɛɛ jije ma na munyu ngɛ kɛ ha Mawu heto nɛ sa?

Hiob 37:20

I be suɔe nɛ i kɛ Mawu nɛ tu munyu. Ke i pee ja a, ye hɛ mi ma kpata.