Hiob 37:16 - BAIBLO ALOO NGMAMI KLƆUKLƆU Ɔ

¹⁶ Bɔ nɛ bɔkuhi plɛɔ kɛ beɔ kɛ a he sɔmi ngɛ nyakpɛ blɔ nɔ ɔ, anɛ o le lo? Ee, ní lelɔ kpanaa a, e ní tsumi ji lɔ ɔ nɛ.

Hiob 37:16 ပူးပေါင်းရင်းမြစ်များ

Hiob 36:4

Anɔkuale i ngɛ tue ɔ nɛ, pi lakpa; ní lelɔ kpanaa lɛ daa si ngɛ o hɛ mi ɔ nɛ.

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

La 147:5

Nyɔmtsɛ ɔ kle; e ngɛ he wami babauu, nɛ e nile hu a li nya.

La 104:24

Yawɛ, hyɛ kaa o pee níhi babauu! Nile o kɛ pee lɛ tsuo pɛpɛɛpɛ. O nibɔ níhi hyi je ɔ mi tɔ.

Hiob 36:29

Bɔ nɛ bɔku haa si, kɛ bɔ nɛ hiɔwe siɔ ngɛ lɛ Mawu ɔ e hi he ɔ, mɛnɔ lɛ le?

Hiob 26:8

Mawu lɛ e kɛ nyu woɔ bɔku kpii ɔmɛ a mi; lɛ nɛ e fii bɔku ɔmɛ a nya, nɛ e ha we nɛ a pɛ́.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Hiob 37:5

Ke Mawu wo gbi kikɛ nɛ ɔ, e peeɔ ní nguahi nɛ wa juɛmi sui he.

Hiob 37:14

Hiob, bu tue! Da si dii nɛ o susu Mawu nyakpɛ ní ɔmɛ a he.

Hiob 37:15

Anɛ o le bɔ nɛ Mawu faa, nɛ e haa oslabai gbaa kɛ jeɔ bɔku mi lo?

Hiob 37:17

Ke leneyi je kɔɔhiɔ ngɛ fiae, nɛ je mi ngmɛ dii ɔ, anɛ o le bɔ nɛ peeɔ loko moo o he mi dɔɔ la lo?

La 78:4

Wa be ní nɛ ɔmɛ ngɔe kɛ laa wa bimɛ. Yi nɔhi nɛ maa ba ngɛ se ɔ, ní nguanguahi nɛ Yawɛ tsu, nyakpɛ níhi nɛ e pee, kɛ he wami kpetekpleenyɛ nɛ e ngɛ ɔ, wa maa gba mɛ.