Hiob 37:13 - BAIBLO ALOO NGMAMI KLƆUKLƆU Ɔ

¹³ Mawu haa hiɔmi nɛɛ, konɛ nyu nɛ ba zugba a nɔ; e haa hiɔmi nɛɛ nɛ e kɛ gblaa nimli adesahi a tue, aloo nɛ e kɛ naa mɛ mɔbɔ.

Hiob 37:13 ပူးပေါင်းရင်းမြစ်များ

Samuel II, 21:10

Kɛkɛ nɛ Rizpa, Aya biyo ɔ ngɔ kpekpe kɛ pee bo tsu ngɛ tɛ sa a nɔ. Nɛ kɛ je be mi nɛ a bɔni ní kpami kɛ ya si hiɔmi bɔni nɛmi ɔ, e huɔ gbogboe ɔmɛ nyɔ kɛ pia; e ngmɛ́ blɔ nɛ lohwe pɛlitsɛmɛ ba maa a nɔ piani; nɛ nyɔ mi ɔ, e fieɔ lohwe awi yeli kɛ jeɔ a he.

Samuel II, 21:14

A ya pu Saul kɛ e bi Yonatan a wu ɔmɛ ngɛ Benyamin zugba a nɔ ngɛ Zela, ngɛ e tsɛ Kish yɔkɔ ɔ mi; nɛ a pee nɔ́ tsuaa nɔ́ kaa bɔ nɛ matsɛ ɔ fa mɛ ɔ. Lɔ ɔ se ɔ, Mawu bu a kue nɛ a fa kɛ ha ma a tue.

Matsɛmɛ I, 18:41

Enɛ ɔ se ɔ, Eliya de Matsɛ Ahab ke, “Jehanɛ lɛɛ, yaa nɛ o ya ye ní nɛ o nu ní, ejakaa i nu nɛ hiɔmi ngɛ sie kɛ ma.”

Matsɛmɛ I, 18:45

E kɛ we kulaa nɛ bɔku yumuu ko ba ha hiɔwe ɔ; kɔɔhiɔ ba bɔni fiami, nɛ hiɔmi ba bɔni nɛmi wawɛɛ nitsɛ. Ahab ya sɛ e ta zugba lɛ ɔ mi, nɛ e je kɛ ho Yezreel ya.

Ezra 10:9

Ligbi etɛne ɔ pɛpɛɛpɛ ɔ, Yuda, kɛ Benyamin bi tsuo ba bua a he nya ngɛ Yerusalem. Nyɔhiɔ nɛɛne ɔ we ligbi nyingmi enyɔ ji jamɛ a ligbi ɔ nɛ. Ma a tsuo ba pue si ngɛ magbɛ mi ngɛ Mawu we ɔ hɛ mi, nɛ a he ngɛ doe blibliibli ngɛ sane nɛ ɔ, kɛ jehanɛ hiɔmi nɛ ngɛ nɛe wawɛɛ ɔ he.

Hiob 36:31

Bɔ nɛ Mawu peeɔ kɛ hyɛɛ e ma a nɔ ji nɛ ɔ nɛ: e haa mɛ niye ní babauu.

Hiob 37:14

Hiob, bu tue! Da si dii nɛ o susu Mawu nyakpɛ ní ɔmɛ a he.

Hiob 37:6

E faa ke snoo nɛ nɛ ngɔ pue zugba a nɔ, nɛ e haa nɛ hiɔmi nɛ nya wa hu nɛɔ ja nɔuu.

La 65:10

O haa hiɔmi nɛɛ babauu kɛ pueɔ ngmɔ ɔmɛ nɛ a hu ɔ mi. Ngmɔ ɔmɛ tsuo a mi hyiɔ kɛ nyu ɔ. Zu ɔ mi jɔɔ ha ní ɔmɛ nɛ a du ɔ, nɛ o haa ní ɔmɛ baa saminya.

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.