Hiob 36:4 - BAIBLO ALOO NGMAMI KLƆUKLƆU Ɔ

⁴ Anɔkuale i ngɛ tue ɔ nɛ, pi lakpa; ní lelɔ kpanaa lɛ daa si ngɛ o hɛ mi ɔ nɛ.

Hiob 36:4 ပူးပေါင်းရင်းမြစ်များ

Hiob 37:16

Bɔ nɛ bɔkuhi plɛɔ kɛ beɔ kɛ a he sɔmi ngɛ nyakpɛ blɔ nɔ ɔ, anɛ o le lo? Ee, ní lelɔ kpanaa a, e ní tsumi ji lɔ ɔ nɛ.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Ni Tsumi 24:22

Felike le Nyɔmtsɛ ɔ tsɔɔmi ɔ he sane saminya, lɔ ɔ he ɔ, e tsɛ̃ munyu ɔ ngɔ to, nɛ e de mɛ ke, “Ke asafoatsɛngua Lisia ba su kɛkɛ ma buá sane ɔ he.”

Luka 1:3

Lɔ ɔ he ɔ, ye nɔkɔtɔma, akɛnɛ imi hu i hla ní nɛ ɔmɛ a mi fitsofitso kɛ je sisije ɔ, i susu kaa e hi kaa ma ngma sisiisi ha mo.

La 49:3

Munyu nɛ maa je ye nya a, nile munyu sɔuu. Munyuhi nɛ a mi kuɔ saminya a he ma susu.

Hiob 33:3

Anɔkuale ɔ nɛ i le ɔ, lɔ ɔ ma de mo kɛ je ye tsui mi faa.

Hiob 21:34

Nɛ nyɛɛ lɛɛ nyɛɛ kɛ munyu gu ba ngɛ ye bua jɔɔe! Hetohi nɛ nyɛ ha mi ɔ, lakpa sɔuu; anɔkuale kake ngmelu be mi.

Hiob 21:27

Hyɛ, i le nyɛ juɛmi ɔmɛ! Ga nɛ nyɛ to nɛ nyɛɛ kɛ maa wa mi yi mi ɔ, i le.

Hiob 13:7

Mɛni he je nyɛ ngɛ lakpa yee? Nyɛ susu kaa nyɛ lakpa a he maa ba se nami ha Mawu lo?

Hiob 13:4

Nyɛɛ lɛɛ pe nyɛ poɔ sane deɔ; nyɛ tsuo nyɛ ngɛ kaa tsopatsɛmɛ nɛ a he be se nami.

Hiob 6:28

Nyɛɛ hyɛ ye hɛ mi saminya! Anɛ ma nyɛ ma ye nyɛ lakpa lo?