Hiob 36:29 - BAIBLO ALOO NGMAMI KLƆUKLƆU Ɔ

²⁹ Bɔ nɛ bɔku haa si, kɛ bɔ nɛ hiɔwe siɔ ngɛ lɛ Mawu ɔ e hi he ɔ, mɛnɔ lɛ le?

Hiob 36:29 ပူးပေါင်းရင်းမြစ်များ

Hiob 37:16

Bɔ nɛ bɔkuhi plɛɔ kɛ beɔ kɛ a he sɔmi ngɛ nyakpɛ blɔ nɔ ɔ, anɛ o le lo? Ee, ní lelɔ kpanaa a, e ní tsumi ji lɔ ɔ nɛ.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

La 104:7

Benɛ o wo gbi, nɛ hiɔwe si ɔ, a he sɔ kɛ je lejɛ ɔ.

La 104:3

O ma o we ɔ ngɔ fɔ nyu nɛ ngɛ hiɔwe ɔ nɔ. O ngɔ bɔku kɛ pee o lɛ, nɛ kɔɔhiɔ mi o nyɛɛɔ.

La 18:13

Jehanɛ Yawɛ ha hiɔwe si; Hiɔwe No ɔ wo gbi; gbiɛ ngo ngu nɛ, nɛ oslabai gba.

Hiob 38:37

Mɛnɔ lɛ le ní bɔ nɛ sa nɛ e ma nyɛ maa kane bɔkuhi ngɛ hiɔwe? Mɛnɔ ma nyɛ ma plɛ nyu buɛ mi bɔku ɔmɛ a nya ngɔ ka si,

Hiob 38:9

Imi lɛ i ngɔ bɔku kɛ ha wo ɔ he; imi lɛ i ngɔ diblii kpii kɛ blaa lɛ.

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Samuel II, 22:12

E ngɔ diblii ngɔ ha e he; bɔku nɛ nyu hyi lɛ tɔ bɔle lɛ.

Hiob 36:28

E haa nɛ hiɔmi nɛɛ babauu kɛ jeɔ bɔku mi kɛ pueɔ si ha nimli adesahi tsuo.

Hiob 36:30

E haa nɛ oslabai gbaa ngɛ hiɔwe ɔ tsuo, se wo ɔ sisi lɛɛ e ngɛ diblii mi.

Hiob 37:11

Mawu haa bɔku ɔmɛ hyi ɔ kɛ nyu. Oslabai hii la pae ngɛ bɔku ɔmɛ a mi,

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Hiob 28:26

benɛ Mawu to he nɛ hiɔmi maa nɛ ngɛ, kɛ he nɛ hiɔwe ma si kɛ ya be ngɛ ɔ,