Hiob 36:27 - BAIBLO ALOO NGMAMI KLƆUKLƆU Ɔ

²⁷ Mawu lɛ gblaa nyu kɛ jeɔ zugba, nɛ e haa nɛ e plɛɔ peeɔ hiɔmi nɛ nɛɛ.

Hiob 36:27 ပူးပေါင်းရင်းမြစ်များ

La 147:8

Lɛ nɛ e ngɔɔ bɔku kɛ haa hiɔwe, nɛ e haa hiɔmi nɛɛ kɛ pueɔ zugba a nɔ, nɛ nga mumu puɛɔ ngɛ yo ɔmɛ a nɔ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

La 148:8

La, gbiɛ ngo ngu, snoo, bɔ nɛ fi, kɛ ahumi nɛ nyɛ ngɛ Yawɛ tsɔmi nɔ, nyɛ je e yi!

Hiob 38:34

Anɛ o ma nyɛ maa wo gbi nɛ nyu babauu maa je bɔku ɔmɛ a mi ba pɔ mo lo?

Hiob 36:33

Ke hiɔwe si ɔ, lɔ ɔ tsɔɔ kaa kɔɔhiɔ nɛ nya wa ma ngɛ se. Lohwehi tete po le enɛ ɔ.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Hiob 5:10

Lɛ nɛ e haa nɛ hiɔmi nɛɔ kɛ pueɔ zugba; nɛ e haa nɛ ngmɔ ɔmɛ naa nyu.

Hiob 36:26

Hyɛ, Mawu kle! Wa li lɛ kulaa; jeha nɛ e ye hu wa juɛmi sui he.

Hiob 36:28

E haa nɛ hiɔmi nɛɛ babauu kɛ jeɔ bɔku mi kɛ pueɔ si ha nimli adesahi tsuo.

Hiob 37:6

E faa ke snoo nɛ nɛ ngɔ pue zugba a nɔ, nɛ e haa nɛ hiɔmi nɛ nya wa hu nɛɔ ja nɔuu.

Hiob 37:11

Mawu haa bɔku ɔmɛ hyi ɔ kɛ nyu. Oslabai hii la pae ngɛ bɔku ɔmɛ a mi,

Yeremia 10:13

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Hiob 28:26

benɛ Mawu to he nɛ hiɔmi maa nɛ ngɛ, kɛ he nɛ hiɔwe ma si kɛ ya be ngɛ ɔ,

Abɛ Womi 3:20

E nile ɔ nɛ ha nɛ pa amɛ hia; lɛ nɛ ha nyu je bɔku ɔmɛ a mi pue zugba.

Zakaria 10:1

Nyɛɛ fa kue ha Yawɛ, konɛ e ha nɛ hiɔmi nɛ nɛ gbo kɛ gbiɛ. Ejakaa Yawɛ lɛ haa bɔku hiaa ngɛ ahumi mi; lɛ nɛ e haa hiɔmi nɛɛɔ, nɛ nɔ tsuaa nɔ ngmɔ baa ní.