Hiob 36:26 - BAIBLO ALOO NGMAMI KLƆUKLƆU Ɔ

²⁶ Hyɛ, Mawu kle! Wa li lɛ kulaa; jeha nɛ e ye hu wa juɛmi sui he.

Hiob 36:26 ပူးပေါင်းရင်းမြစ်များ

La 90:2

Benɛ o na we nɛ o bɔ yo ɔmɛ; benɛ o na we nɛ o bɔ je ɔ, mo ji Mawu nɛ ngɛ kɛ je neneene kɛ yaa si neneene.

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 37:5

Ke Mawu wo gbi kikɛ nɛ ɔ, e peeɔ ní nguahi nɛ wa juɛmi sui he.

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Hebribi 1:12

O maa ku a mi kaa a kuɔ tade mi; nɛ a hɛ mi ma kpa kaa bo kpaa. Se moo lɛɛ o ngɛ kaa bɔ nɛ o ngɛ ɔ kɛ̃; o be gboe gblegbleegble.”

2 Petro 3:8

Se ye nyɛmimɛ nɛ i suɔ! Nɔ́ kake nɛ nyɛ hɛ ko je nɔ ji kaa ngɛ Nyɔmtsɛ ɔ hɛ mi ɔ, ligbi kake ngɛ kaa jeha akpe, nɛ jeha akpe hu ngɛ kaa ligbi kake.

Hiob 10:5

Anɛ o wami be ɔ ngɛ kpiti kaa nɔmlɔ nɔ́ lo?

Hiob 36:25

Níhi nɛ Mawu tsuɔ ɔ, nɔ tsuaa nɔ naa, se nɔ ko nɔ ko nui sisi.

Hiob 36:27

Mawu lɛ gblaa nyu kɛ jeɔ zugba, nɛ e haa nɛ e plɛɔ peeɔ hiɔmi nɛ nɛɛ.