Hiob 36:22 - BAIBLO ALOO NGMAMI KLƆUKLƆU Ɔ

²² Na nɛ o le kaa Mawu ngɛ he wami; e kle pe tsɔɔli tsuo.

Hiob 36:22 ပူးပေါင်းရင်းမြစ်များ

Luka 1:52

E kpa matsɛmɛ nguanguahi kɛ je a sɛhi a nɔ, nɛ e wó humihi a nɔ.

Romabi 13:1

Nɔ tsuaa nɔ nɛ ba e he si ha ma nɔ yeli, ejakaa blɔ nya tsuaa blɔ nya a, Mawu lɛ haa nɔ; nɛ nɔ yeli nɛ ngɛ nɛ ɔ hu he wami nɛ a hɛɛ ɔ, Mawu lɛ ha mɛ.

Yesaya 48:17

Yawɛ, Israel Mawu Klɔuklɔu ɔ, nɔ nɛ heɔ e ma a yi wami ɔ ngɛ dee ke, “Imi ji Yawɛ, nyɛ Mawu ɔ nɛ. I suɔ kaa ma tsɔse nyɛ, nɛ ma tsɔɔ nyɛ bɔ nɛ nyɛɛ ba nyɛ je mi ha, konɛ e hi ha nyɛ nitsɛmɛ.

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Yeremia 31:38

Yawɛ ke, “Be ma nɛ a maa ma Yerusalem ehe ekohu kɛ ha mi, kɛ je Hananel mɔ ɔ bonyoku je, kɛ yaa si kɔ̃ nya agbo ɔ he.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Yesaya 14:5

Yawɛ ku nɔ yeli yaya amɛ a he wami nya la.

La 94:12

Yawɛ, nɔmlɔ nɛ o tsɔseɔ lɛ, nɛ o tsɔɔ lɛ o mlaa a, a gbaa lɛ.

La 94:10

Nɔ nɛ tsɔseɔ je ma amɛ ɔ, anɛ e be a tue gblae lo? Nɔ nɛ tsɔɔ adesahi tsuo ní ɔ, anɛ e be juɛmi lo?

La 75:7

Mawu ji kojolɔ; e woɔ ni komɛ a nɔ, nɛ e baa ni komɛ si.

Hiob 35:11

Mawu ɔ nɛ pee wɔ ní leli pe lohwehi tsuo ɔ, a hla we e se blɔ.

Yohane 6:45

Nɔ́ nɛ gbali ɔmɛ ngma ji nɛ ɔ nɛ: ‘Mawu maa tsɔɔ nɔ tsuaa nɔ ní.’ Munyu nɛ Tsɛ ɔ tu ɔ, nɔ tsuaa nɔ nɛ maa nu, nɛ e maa kase ní kɛ je mi ɔ maa ba ye ngɔ.

Hiob 21:22

Mawu nɛ tsɔɔ nimli nguahi po nile ɔ, anɛ nɔ ko ma nyɛ maa kojo lɛ lo?

Hiob 33:12

Hyɛ, nɔ́ nɛ i ngɛ mo dee ji o nɔ́ be mi; Mawu kle pe nɔmlɔ adesa.

La 25:5

Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

La 119:102

I ji o munyu ɔmɛ a he; ejakaa mo lɛ o tsɔɔ mi ní.