Hiob 36:19 - BAIBLO ALOO NGMAMI KLƆUKLƆU Ɔ

¹⁹ Ke o fa kue kɛ tsɛ balɔ hu, yaka gu; o he wami tsuo be nyɛe ma tsu nɔ́ ko.

Hiob 36:19 ပူးပေါင်းရင်းမြစ်များ

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Abɛ Womi 11:21

Anɔkuale sane ji kaa yayami peelɔ ɔ, ja a gbla e tue kokooko. Se nihi nɛ peeɔ nɔ́ nɛ da a, mɛɛ lɛɛ a maa ye a he.

Yakobo 5:3

Sika tsu, kɛ sika hiɔ babauu nɛ nyɛ bua nya a maa nɔ kana. Jamɛ a kana a maa ye odase kɛ si nyɛ, nɛ e ma kpe nyɛ he lo kaa nɔ́ nɛ a kɛ la sã. Nyɛ ngɛ juetli babanu buae kɛ ngɛ toe nyagbe be nɛ ɔ mi.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Abɛ Womi 10:2

Ke o gu blɔ yaya nɔ kɛ na ní ɔ, e he be se nami bae ha mo. Se ke o ye anɔkuale ɔ, o yi ma na wami.

Hiob 9:13

Mawu mi mi fumi se pui. E he nyɛli ɔmɛ nɛ te si wo lɛ ɔ, e kpata a hɛ mi. Mɛ lɛ a ya piɛ wo mi lohwe ngua a nɛ a tsɛɛ lɛ Rahab ɔ he ɔ nɛ.

Hiob 34:20

Nɔmlɔ gboɔ tlukaa, Mawu fiaa nimli adesahi nɔ́ nyɔ mi kɛkɛ a hɛ mi kpata. Nimli nguahi po Mawu gbeɔ mɛ nɛ adesa nine be mi.

Hiob 36:18

Hyɛ saminya nɛ o mi mi nɛ fu ɔ kó ha nɛ o ya gbe Mawu he guɛ. Ko ha ní nami nɛ je o juɛmi kɛ je Mawu he.

Hiob 36:20

Ko de ke o na nɛ e su nyɔ mi, be mi nɛ nihi a hɛ mi ma kpata.

La 49:7

Niinɛ, nɔ ko nɔ ko be lɛ nitsɛ e he nyɛe ma kpɔ; nɔ ko nɔ ko be nyɛe maa wo Mawu hiɔ nɛ maa su e wami nya.