Hiob 36:10 - BAIBLO ALOO NGMAMI KLƆUKLƆU Ɔ

¹⁰ E kaa a hɛ mi saminya, nɛ e deɔ mɛ ke a kpa yayami peemi.

Hiob 36:10 ပူးပေါင်းရင်းမြစ်များ

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

Hiob 36:15

Mawu tsɔɔ nihi ní kɛ guu nɔ́ nami mi; e ngɔɔ amanehlu kɛ bliɔ nihi a hɛngmɛ.

Yesaya 50:5

Nyɔmtsɛ Yawɛ bli ye tue; i tsɔ we atuã, i kua we lɛ.

Yesaya 48:17

Yawɛ, Israel Mawu Klɔuklɔu ɔ, nɔ nɛ heɔ e ma a yi wami ɔ ngɛ dee ke, “Imi ji Yawɛ, nyɛ Mawu ɔ nɛ. I suɔ kaa ma tsɔse nyɛ, nɛ ma tsɔɔ nyɛ bɔ nɛ nyɛɛ ba nyɛ je mi ha, konɛ e hi ha nyɛ nitsɛmɛ.

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Yesaya 48:8

Nyɛ nui hyɛ, nɛ nyɛ li lolo; kɛ je blema lokoo ɔ, nyɛ tue bli we lolo! Ejakaa i le kaa yi wu tso níhi nyɛ peeɔ; kɛ je nyɛ fɔmi be mi tɔɔ ɔ, atuã tsɔli a tsɛɔ nyɛ.

La 40:6

O hla we bɔ, nɛ o hla we nike ní hulɔ. O bi we ke a sã sami bɔ, loo yayami pami bɔ ha mo. Mohu ɔ, o bli ye tue, konɛ ma nu o gbi.

Hiob 36:21

Hyɛ saminya nɛ o ko ya nyɛɛ yayami se. A kɛ amanehlu nɛ ɔ ba o nɔ, konɛ o ko pee yayami.

Yona 3:8

Nɔ tsuaa nɔ nɛ bu kpekpe ya bo, konɛ a na he piami ngɛ nimli kɛ lohwehi tsuo a hɛ mi; nɛ nɔ tsuaa nɔ nɛ sɔle wawɛɛ kɛ tsɛ Mawu; nɔ tsuaa nɔ nɛ kpale kɛ je e blɔ yayami ɔmɛ a nɔ, kɛ e yi mi wami ní ɔmɛ a se,

Zefania 3:7

I de ke, ‘Jehanɛ lɛɛ ye ma mi bi ɔmɛ maa bu mi tue; jehanɛ lɛɛ ke i bɔ mɛ kɔkɔ ɔ, a maa ye gbeye, nɛ e be hiae kaa ma gbla a tue ekohu.’ Se a ya nɔ pee yayami pe kekle ɔ mohu.”