Hiob 35:9 - BAIBLO ALOO NGMAMI KLƆUKLƆU Ɔ

⁹ Ke a ngɛ nimli adesahi yi mi wae ɔ, a kpaa ngmlaa kɛ tsɛɔ balɔ.

Hiob 35:9 ပူးပေါင်းရင်းမြစ်များ

Mose II, 2:23

Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Hiob 34:28

A ha nɛ ohiatsɛmɛ kpa ngmlaa kɛ ba Mawu yemi kɛ buami, nɛ Mawu nu nɔ́ nali ɔmɛ a kue fami ɔ.

La 43:2

Ejakaa mo Mawu ji ye wesa he. Mɛni he je nɛ o kua mi? Mɛni he je nɛ yayami peeli maa hi mi yi mi wae, nɛ ma hi kɔmɔ yee kpamisa?

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 10:15

Moo ku yiwutsotsɛmɛ, kɛ yayami peeli a he wami nya, nɛ o gbla a tue kɛ yaa si yayami peemi se maa po.

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

Hiob 24:12

O maa nu nɛ nihi ngɛ kɛmɛe ngɛ ma a mi; o maa nu nɛ nihi nɛ plaa a ngɛ ngmlaa kpae, nɛ a ngɛ yemi kɛ buami hlae. Se Mawu bui mɛ tue fɛɛ.

Hiob 12:19

E baa osɔfohi si, nɛ e butuu ni nɛmɛ nɛ he wami ngɛ a dɛ.

Mose II, 3:9

Niinɛ, i nu Israel bi ɔmɛ a ya fomi ɔ, nɛ i na bɔ nɛ Egipt bi ɔmɛ ngɛ mɛ yi mi wae ha.

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Mose II, 22:23

Ke nyɛ wa mɛ yi mi, nɛ a fo ya kɛ tsɛ mi ɔ, niinɛ, ma bu a ya fomi ɔ tue,

Mose V, 24:15

Daa ligbi, loko pu maa nɔ si ɔ, wo lɛ nɔ́ nɛ e tsu jamɛ a ligbi ɔ he hiɔ. Sika a he ngɛ lɛ hiae, nɛ e ngɔ e hɛ ngɔ fɔ nɔ. Ke o wui lɛ hiɔ ɔ, nɛ e fa kue ha Yawɛ ngɛ nɔ́ nɛ o pee nɛ ɔ he ɔ, a maa bu mo fɔ kaa o pee yayami.

Hiob 20:19

Ejakaa e wa ohiatsɛmɛ yi mi, nɛ e kua mɛ; wehi nɛ nihi ma a, e kpɔ ngɛ a dɛ pani nya.

Hiob 35:8

Ke o pee yayami ɔ, o nyɛmi nɔmlɔ adesa lɛ naa nɔ́; ke o pee kpakpa a, o nyɛmi nɔmlɔ adesa lɛ naa he se.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Hosea 7:14

Ke a ngɛ kue fae ha mi ɔ, e ji a tsui mi; awe sɔuu a hii nyae ngɛ sa mi. Ke a ngɛ sɔlee nɛ ma ha mɛ blɛfo kɛ dã a, a kɛ nɔ́ poɔ a he basabasa kaa wɔ jali. Atuã tsɔli!