Hiob 34:19 - BAIBLO ALOO NGMAMI KLƆUKLƆU Ɔ

¹⁹ Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

Hiob 34:19 ပူးပေါင်းရင်းမြစ်များ

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

Ni Tsumi 10:34

Kɛkɛ nɛ Petro wo e nya nɔ nɛ e de ke, “I kpa si anɔkuale mi kaa Mawu hyɛ we nɔ hɛ mi.

Kolosebi 3:25

Nɔ tsuaa nɔ nɛ peeɔ nɔ́ nɛ dɛ ɔ ma na e yayami ɔ he hiɔwo, ejakaa Mawu hyɛ we nɔ hɛ mi.

Romabi 2:11

Ejakaa Mawu hyɛ we nɔ hɛ mi.

1 Petro 1:17

Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.

Efesobi 6:9

Nyɔmtsɛmɛ, nyɛɛ kɛ nyɛ nyɔguɛ ɔmɛ nɛ hi si ja nɔuu kɛ̃ nɛ nyɛɛ jɔɔ a susuma he gbeye womi. Nyɛ kai kaa nyɛɛ kɛ nyɛ nyɔguɛ ɔmɛ tsuo ɔ, Nyɔmtsɛ kake lɛ nyɛ ngɛ ngɛ hiɔwe, nɛ e hyɛ we nɔ hɛ mi.

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Galatabi 2:6

Se ni nɛmɛ nɛ a buu mɛ kaa a ngɛ biɛ ɔ, bɔ tsuaa bɔ nɛ a ngɛ sa a, pi ye he sane ko. Mawu hyɛ we nimli a hɛ mi; ejakaa imi lɛɛ ni nɛmɛ nɛ a buu mɛ ɔ tsɔɔ we mi nɔ́ ko ngɔ piɛ he.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Abɛ Womi 14:31

Nɔ nɛ waa ohiatsɛ yi mi ɔ, Mawu ɔ nɛ bɔ ohiatsɛ ɔ e ngɛ jɛe ɔ nɛ. Se nɔ nɛ naa ni nɛmɛ nɛ e fi mɛ mɔbɔ ɔ, e ngɛ Mawu hɛ mi nyami woe.

Hiob 31:15

Mawu ɔ nɛ bɔ mi ɔ, lɛ kɛ̃ lɛ e bɔ ye tsɔli nyumu ɔmɛ, kɛ ye mawayi ɔmɛ.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Abɛ Womi 22:2

Niatsɛ, kɛ ohiatsɛ ɔ, nimli kake too ji mɛ; Yawɛ lɛ pee mɛ tsuo.

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

Yesaya 3:14

Yawɛ kɛ ma nimeli, kɛ ganɔ ɔmɛ lɛ na sane ɔ nɛ. Munyu nɛ e kɛ ba po a nya ji nɛ ɔ nɛ: “Nyɛ kpata wai ngmɔ ɔmɛ a hɛ mi, nɛ níhi nɛ nyɛ kpɔ ngɛ ohiatsɛmɛ a dɛ ɔ, nyɛ ngɔ kɛ to nyɛ wehi a mi.

Hiob 36:19

Ke o fa kue kɛ tsɛ balɔ hu, yaka gu; o he wami tsuo be nyɛe ma tsu nɔ́ ko.

Hiob 13:8

Mawu he lɛ nyɛ ngɛ pɛe ɔ? Nyɛ maa ye e sane ɔ ha lɛ lo?

Hiob 12:21

E pueɔ ganɔhi a hɛ mi si, nɛ e haa a he wami ɔ se poɔ.

Hiob 12:19

E baa osɔfohi si, nɛ e butuu ni nɛmɛ nɛ he wami ngɛ a dɛ.

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

1 Korintobi 1:28

E hla níhi nɛ je ɔ bui, níhi nɛ a hiee, kɛ níhi nɛ pi nɔ́ ko kulaa a, konɛ e kɛ gbe níhi nɛ je ɔ buu saminya a a he guɛ.

Hiob 13:10

Ke nyɛ hyɛɛ nimli a hɛ mi ngɛ laami mi ɔ, e ma ka nyɛ hɛ mi kɛ̃.

Hiob 32:21

I be nɔ ko hɛ mi hyɛe kɛ tu munyu; nɛ i be munyu dɔkɔdɔkɔ tue ngɛ nɔ ko he.

Hiob 34:18

Mɛnɔ lɛ deɔ matsɛ ke, “Yaka nɔmlɔ ji mo!” Mɛnɔ lɛ deɔ odehehi ke, “Yiwutsotsɛmɛ ji nyɛ!”

Mose II, 30:15

Ke nyɛ ngɔ nyɛ klaa kpɔmi hiɔwo nike ní nɛ ɔ kɛ ma imi Yawɛ, ye hɛ mi ɔ, ohiatsɛ kɛ niatsɛ tsuo nɛ a wo kaa bɔ nɛ a po fɔ si ɔ; ohiatsɛ nɛ ko ha fa, nɛ niatsɛ hu nɛ ko ha kɛ be nɔ.