Hiob 34:17 - BAIBLO ALOO NGMAMI KLƆUKLƆU Ɔ

¹⁷ Nɔ nɛ he wa nɛ e yeɔ dami sane ɔ, o maa bu lɛ fɔ, konɛ nɔ nɛ sume dami sane yemi ɔ mohu nɛ ye tsɛ lo?

Hiob 34:17 ပူးပေါင်းရင်းမြစ်များ

Hiob 40:8

Anɛ o ngɛ hlae nɛ o bu mi fɔ kaa i yi dami sane, konɛ moo lɛɛ o wo o he nguɔ kaa o nɔ́ da lo?

Samuel II, 23:3

Israel Mawu ɔ tu munyu, Tɛ sa a nɛ heɔ Israel yi wami ɔ de mi ke, “Nɔ nɛ kɛ dami sane yemi yeɔ nihi a nɔ, nɛ e kɛ Mawu gbeye yemi yeɔ ma nɔ ɔ,

Romabi 9:14

Lɛɛ kɛ wa ma de kɛɛ? Mawu yeɔ sane kpɛkpɛɛ lo? Dɛbi!

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Hiob 1:22

Enɛ ɔ tsuo mi ɔ, Hiob pee we yayami ko; e pia we Mawu.

Samuel II, 19:21

Kɛkɛ nɛ Zeruya bi Abishai de ke, “E sa kaa a gbe Shimei, ejakaa e gbiɛ nɔmlɔ nɛ Mawu pɔ lɛ nu ɔ.”

Hiob 34:16

Lɔ ɔ he ɔ, ke ní leli ji nyɛ ɔ, nyɛɛ bu mi tue.

Hiob 34:18

Mɛnɔ lɛ deɔ matsɛ ke, “Yaka nɔmlɔ ji mo!” Mɛnɔ lɛ deɔ odehehi ke, “Yiwutsotsɛmɛ ji nyɛ!”

Hiob 34:30

Lɔ ɔ lɛɛ ma ko be nyɛe maa pee nɔ ko, konɛ nɔmlɔ yayami ko ye tsɛ nɛ e ba kpata e ma a hɛ mi.